Aalajangerneqarpoq: Kanukoka Maniitsumut nuussaaq
Sermitsiaq.AG-p Palle Jeremiassenimit uppernarsivaa Kanukokap qullersaqarfittaava Maniitsumiissasoq
– Siulersuisut isumaqatigiillutik aalajangiuteqqammerpaat qullersaqarfik Maniitsumut nuussasoq.
Taamatut Sermitsiaq.AG-mut oqarpoq Kanukokap siulittaasua Palle Jeremiassen.
Aasianniissanngilaq
– Illoqarfiup nuuffigineqartussatut piukkunneqassaguni allaffinnut sulisullu inissaqartinneqarnissaannut tunngavissatut piumasaqaativut naammassivai.
Tusagassiorfinnit tusarneqarsimagaluartutut Aasianniissanngilaq?
– Nalunaarut tamanna uagutsinneersuunngilluinnarpoq. Siulersuisut aatsaat ullumi ataatsimiipput, tassanilu aatsaat aalajangiivugut.
Tunngavissatut piumasaqaatissinnik naammassinninnermi saniatigut Maniitsoq qullersaqarfissatut nutaatut allanik iluaqutissartaqarpa?
– Aallartitat aalajangernikuupput Nuummit nuussasugut. Tamatuma kingorna tunngavissanik pumasaqaasiorpugut, taavalu kommunit illoqarfinni arlalinnik inassuteqarput tamannalu aallaavigalugu aalajangiivugut qullersaqarfik Maniitsumiissasoq, kattuffiup siulittaasua akivoq.
Allaffiit qaqugu nuunneqassanersut suli ullulerneqanngilaq.