ajunaarnersuaq
Aajuna qaqqap sisoorfia
Issittumi Sakkutooqarfiup qaqqap sisoorfiata tassaarsuarmik pilersitsisup assinga maanna saqqummiussimalerpaa
Qaqqap ilarujussua imaanut sisulluni tassaarsuaqartitsisoq, qulimiguullip S61-ip qulaallugu timmisimavoq.
Taassuma eqqaani aamma qaqqap ilaa sisoriaannaavoq. Taannalu Illorsuit aamma Niaqornat unnuaq qimagussortitsiffiunerannut pissutaavoq.
Umiarsuaq alapernaarsuut 'Vædderen' qaqqamik nakkutiginnitsinneqarpoq.
Ullup ingerlanerani aamma timmisartoq Challengeri aamma Hercules aggertinneqassasut, Issittumi Sakkutooqarfiup ilisimatitsissutigaa.
Taakku ujaasinermut angallassinermullut sulianut atorneqassapput. Ilaatigut ajoqusernerit qanoq annertutiginerinik aamma ajunaarnersuaqaqqinnissaanut ulorianassutsimik naliliissapput.
Uani qulimiguulimmit immiussaq takusinnaavat: