Skip to main content

Aajuna kukkunersiuisut nalunaarusiaat

Kukkunersiuinermut ataatsimiititaliap Naalakkersuisunut ilaasortaasimasut pillugit kukkunersiuisut nalunaarusiaat maanna Naalakkersuisuusut kaammattuineratigut saqqummiuppaa. Naalakkersuisut nalunaarusiamut oqaaseqarnissartik januaarip 16-anut kinguartippaat

Kukkunersiuinermi ataatsimiisitaliap bankboksi oqallisaaqisoq, aammalu Naalakkersuisuni ilaasortaasarsimasut nunatta karsianik atuisarsimanersut pillugit misissuisimanermik imalik, decembarip 17-ani ammarpaat. Taamani Naalakkersuisut nalunaarusiamut akissuteqaqquneqarput kingusinnerpaamik januaarip arferngani.

Kisianni kukkunersiuinermi ataatsimiisitaliaq decembarip 23-ani Naalakkersuisuisut siulittaasuannit Siumumeersumit Kim Kielsenimit ima allagarsisimavoq:

- Taamaattorli Naalakkersuisut nutaat iverteqqammernerat, juullip ukiortaallu akornanni ulapaarneq, naalakkersuisoqarfinnut tusarniaaneq kiisalu akissutit nutsernerat pissutigalugit Naalakkersuisut aatsaat nalunaarusiamut oqaaseqaatitik tallimanngornermi 16. januar nassiussinnaavaat.

Atuaruk: Ataatsimiisitaliaq: Bankboksi ammarneqarpoq

Kaammattorneqareerlutik saqqummiuppaat
Aamma allakkani taakkunani atuarneqarsinnaavoq nalunaarusiap kikkunnit tamanit soqutigineqarnera eqqarsaatigalugu Naalakkersuisut oqaaseqaataasa tiguneqannginnerini nalunaarusiaq tamanut saqqummiuteqqullugu kukkunersiuinermut ataatsimiititaliaq kaammattorneqartoq. 

- Tamanna kukkunersiuinermut ataatsimiititaliap juullip ingerlanerani oqaloqatigiissutigaa aammalu nalunaarusiap tamanut saqqummiunneqarnissaani Naalakkersuisut oqaaseqaateqarnissaat utaqqimaarneqassanngitsoq kukkunersiuinermut ataatsimiititaliaq isumaqatigiittoq aalajangerluni. Tassunga atatillugu kukkunersiuinermut ataatsimiititaliamit oqaatigineqassaaq Naalakkersuisut piffissaliunneqartup iluani nalunaarusiamut oqaaseqaateqarsinnaannginnerat ajuusaarutigineqarmat, kukkunersiuinermut ataatsimiisitaliap siulittaasua, Demokraatinersooq Randi Vestergaard Evaldsen allappoq. 

Kisianni aamma kukkunersiuinermut ataatsimiisitaliap nalunaarusiaq Naalakkersuisunit suli oqaaseqarfigineqartinnagu aamma oqaaseqarfigerusunngilaa.

- Taamaalilluni kukkunersiuisut avataaneersut Inatsisartunit toqqarneqartut paasissutissiissutaannut inerniliussaannullu Naalakkersuisut isumaqataanerat kiisalu nalunaarusiaq kukkunersiuinermut ataatsimiititaliamut qanoq isumaliuteqalersitsinersoq oqaaseqaateqartitsissanersorlu suli ilisimanagit nalunaarusiaq maannamut atuarneqartariaqassaaq, Randi Vestergaard Evaldsen allappoq.

Deloittep piffissami 2013 aamma 2014-imi Naalakkersuisunut ilaasortat Namminersorlutik Oqartussanut akiligassaannik misissuinera pdf-nngorlugu allaaserisap talerpiatungaani takusinnaavat

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER