Skip to main content

Aajuna akitsuusersuineq 'annikitsoq'

Akitsuutinut qaffaaqqinnissamut akerliuneq annertuvoq. Naalakkersuisooqatigiit annikinnerusumik qaffaaginnarniarput

Aaqqissuusseqqinnerit aamma isertitat amigartut matussusissallugit Anda Uldum (D) akitsuusersuinissamut siunnersuuteqarnermini annertuumik akerlilerneqarpoq.

Maannakkullu naalakkersuisooqatigiinni ilaannakortumik aningaasanut inatsit inissillugu isumaqatigiissutigisimalerpaa.

IA kingusinnerusukkut ilanngutissagunarpoq.

Ikummatissanik aamma neqinik eqqussanik akitsuutissat peerneqarput, aammalu qaleralinnut akitsuusersuinissaq ilanngunneqarluni.

Aajuku akitsuusersuutissat kiserngoruttut nutaallu:

  • Mamakujuttunut akitsuutit qaffasinnerit 15 millionit koruuninut
  • Qummoroortunut akitsuutit qaffasinnerit 3 millionit koruuninut
  • Qaleralinnut suliarineqanngitsunut akitsuut nutaaq, 20 millionit koruuninik isertitsissutaasussaq
  • Sunoorsinut akitsuut nutaaq: 0,6 millionit koruunit

​Qaleralinnut akitsuut suliarereriigaanngitsunik nunanut allanut tunisinisssaq pilerinannginnerunissaa peqqutigalugu eqqunneqarpoq, neriuutaallunilu tunisassiorfinni suliffissaqartitsinerussasoq.

Naalakkersuisoq tulluusimaartoq
Tamanna akitsuusersuineq nutaaq aalisakkat tamaasa akitsuusersorneqarnissaanut naatsorsuutigineqareersumut ilaasimanngilaq. Inuit Ataqatigiit maannamuugallartoq qaleralinnut akitsuutit nutaat akerleraat, kisiannili akitsuusersuutit sinneranut tapersiillutik, immaqa piffissap ingerlanerani Anda Uldum iluatsitsilluni ilanngutsissinnaavai.

Atuaruk: IA-p Naalakkersuisut akitsuutit taamaatiinnarmatigit nersualaarpaat

Aningaasaqarnermut naalakkersuisoq, Anda Uldum, ullumi ima oqariartuuteqarpoq.

Siunissami isertitassatsinnut missiliuisimavugut. Siullermik naatsorsukkanut naleqqiullugu amerlanernik isertitaqassasugut tamatuma takutippaa. Erseqqivissortumik koruunit 42 millionit. Ingammik kinguppannut akitsuut aamma nunami tamarmi akileraarut immikkut ittoq nutarsagaapput.  Piviusumik tamatuma nassatarissavaa immikkut isertitani 54,5 millioninik nassaarniarnissarput – aallaqqaammut koruunit 96,5 millionit nassaariniagassarigaluagut pinnagit.

Isornartorsiuinermut tusarnaartut
Taassuma akitsuusersuiniaraluarnerup akerliuffigineqaqisup, naalakkersuisooqatigiit akornanni aamma taperserneqanngitsup aaqqiissutaa tulluusimaarutigaa.

- Innuttaasut isornartorsiuineranut Naalakkersuisut arajutsisimanngillat. Taamaattumik isertitanik kissaatigisatsinnik pissarsisitsisunik nutaamik pilersaarusiaq saqqummiupparput.

- Tassunga atatillugu isumaqatigiissuteqartutut partiit isertitassanik pissarsiniarluni aqqutissanik nutaanik nassaarniarnerminni akisussaassutsiminnik takussutissiinerat nersualaarusuppara, tusagassiuutinut nalunaarummini taama oqarpoq.

Sapaatip akunneri tulliuttuni suliassaqarfiit sinneri pillugit isumaqatiginninniarnerit pissapput, taakku inaarutigisamik aningaasanut inatsisissamut isumaqatigiissummik kinguneqartitsisunik isumaqatigiissutip ilaanik sinneruttunik tunngavissiissapput.

Atuaruk: Anda Uldum: Akitsuutit taamaatiinnanngilagut

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER