Skip to main content

Aajuku pissartanngorniunnermi ullumikkut unammisussat

Inersimasut assammik arsarlutik pissartanngorniunneranni unamminerit affaat ingerlanneqareerput

Nunatsinni assammik arsarluni pissartanngorniunnerit Nuummi ulluni makkunani ingerlanneqartut ullumi ingerlaqqissapput.

Pissartanngorniunnerup affaa ingerlanneqareerpoq, pissartanngorniunnerullu immikkoortuani siullermi iligiikkaat marloriarlutik unamminissaat kiserngoruppoq.

- Kikkut pissartanngorniutivissanersut maannamut pissangagineqarsimavoq. Kisianni pissartanngorniunnermi arnani angutinilu iligiikkaat marluk 2. divisionimut appartussaanerat puigorneqassanngilaq, Kalaallit Nunaanni Assammik Arsartartut Kattuffiat allappoq.

Tassami 1. divisionimiikkunnaaraanni pissartanngorniunnissamut anngunniuteqqaartoqartariaqarpoq.

Nuummiut arnani siuttuupput
Siorna arnani bronzinnattut Nagdlúnguaq aamma Norsaq HC, SAK-lu 2. divisionimut appariannginnissaminnut unammissapput.

Maanna SAK periarfissaginnerpaavoq. Marloriarlutik unammigamik marlunnik pointinnapput, Nagdlúnguaq aamma Norsaq HC suli pointinnanngitsut.

Illuanik timersoqatigiiffiit Nuummeersut, GSS, NÛK aamma Team Nuuk pissartanngorniutivinnissamut periarfissaqarput.

GSS-ikkullu pissartanngorniutivinnissamut ilimagineqalereerput, kisianni sisamanngornermi Team Nuuk aamma NÛK akornanni unamminerup kingorna, Team Nuuk periarfissaginneruvoq. Kisianni qanorluunniit pisoqarsinnaavoq. Tallimanngornermi arfininngornermilu unamminerit takutikkumaarpaat.

Appariannginnissamut ilungersortut
Angutini maanna suli qanorluunniit pisoqarsinnaavoq. GSS finalernissamut ilimagineqarneruvoq.

Maanna Norsaq HC Aasianneersut periarfissaginnerupput, kisianni unamminerit sinneri aamma kikkut 2. divisionimut apparnissaannut sunniuteqassapput.

Nagtoralik ukioq manna pissartanngorniunnermi ajorsaannavippoq. SAK aamma Nagdúnguaq appariannginnissaminnut ilungersorput.

Sapaatiuppat pissartanngorniutivittoqassaaq.

Aajuku tallimanngornermi unammisussat:

Arnat: 

  • Nal. 13.00: Norsaq HC - Nagdlunguak
  • Nal. 16.00: SAK - Team Nuuk
  • Nal. 19.00: GSS - NÛK

Angutit:

  • Nal. 14.30: SAK - Norsaq HC
  • Nal. 17.30: Nagtoralik - GSS
  • Nal. 20.30: Nagdlunguak - NÛK
Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER