Skip to main content

Aaja: Trumpip taarsiullugu Kalaallit Nunaat tikeraartariaqarpaa

Naalagaaffimmut tikeraarneq Kalaallit Nunaannut tunngappat, taava tamanna Nuummi pissaaq, Københavnimi pinnani. IA-p folketingimut ilaasortaatitaa, Aaja Chemnitz Larsen taama isumaqarpoq.

Folketingimi suleqatini, Aki-Matilda Høegh-Dam (S) assigalugu, pisup Donald Trumpip Danmarkimut tikeraarnissamik taamaatitsineranik kinguneqartup pitsaasuunera, Aaja Chemnitz Larsenip (S) nalilerpaa.

- USA-p soqutiginninnera, kiisalu Kalaallit Nunaata USA-mut naleqartiginera ersarissumik takutereerpaa, taanna Sermitsiaq.AG-mut oqarpoq.

Tamatuma saniatigut Aaja Chemnitz Larsen danskit folketingimi suleqatiminut ersarissumik oqariartuuteqarpoq.

- Maani folketingimi ulluinnanngoqqinnerani, Naalagaaffeqatigiinneq Danmarkimut qanoq nalitutiginera eqqaamassavaat. Tamanna aalajangersimasunik inerneqartinneqassaaq.

Tassani ingammik meeqqanut navianartumiittunut ikiuinissaq oqaatigaa, taassuma isumaa naapertorlugu taakku maanna siunniunneqartumit annertunerullutillu sivisunerunissariaqaraluarput. Aammattaaq danskit kalaallillu politiivisa aamma paarnaarussivimmi sulisut akissarsiaasa assigiinnginnerat atorunnaarsinniarpaa.

- Taakku isumaqatigiinngiffiusut aaqqiivigineqanngippata, pakatsinerit eqqissisimannginnerit annertusinerannik kinguneqasasaq.

USA-p Kalaallit Nunaatalu akornanni ajornartoortoqanngitsoq

Kalaallit Nunaata aamma USA-p akornanni siunissami siuleqatigiinnissaannut tunngatillugu, taamaatitsinerup kingorna Aaja Chemnitz Larsen annerusumik ajorisassaminik takusaqarsinnaanngilaq.

- Tamanna USA-p aamma Danmarkip akornanni naalagaaffiit attaveqarneranni ajornartoornertut isigineruara, USA-p aamma Kalaallit Nunaata akornanniunngitsoq, taanna oqarpoq.

- Kisianni Donald Trumpip Kalaallit Nunaat oqaluuseriniaruniuk tassunngartariaqarpoq, Danmarkimuunngitsoq.

Angusat aalajangersimasut

USA ukiumi kingullermi Kalaallit Nunaannut soqutiginnikkiartornera takuneqarsinnaavoq, aallartitaqarfeqalernissamik pilersaarutit aamma amerikamiut ambassadøriata Carla Sandsip Kalaallit Nunaannut akuttunngitsumik tikeraartarnerata tamanna takutippaa.

- USA-p oqaloqatigineqarnera ingerlaqqissasoq immaqalu aamma piffissami aggersumi nukittunerulissasoq isumaqarluinnarpunga.

- Ambassadørip Kalaallit Nunaannut tikeraartarnera ajunngilaq, kisianni tamanna inuiaqatigiit malugisinnaasaannik aalajangersimasunik angusaqarfiusarnissaa pingaarneruvoq.

Tassani takornariartitsisarnermut aningaasaliinissaq aamma niueqatigiinnerup nukittorsarneqarnissaa ingammik Aaja Chemnitz Larsenip tikkuarpaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER