Aaja: Pele ataatsimiikkusunngilaq
Folketingemut ilaasortap Aaja Chemnitz Larsenip (IA) Folketingimilu Kalaallit Nunaat pillugu ataatsimiititaliami siulittaasup Pele Brobergip ataatsimiikkusunnginnera tupigusuutigaa.
Ukiuni tallimani Folketingemut ilaasortaaninni naalakkersuisooqatigiit sorliugaluaraangataluunniit pitsaasumik oqaloqatigisarpakka. Taamaattumik tupigeqaara Pele Brobergip ataatsimeeqatiginissara itigartimmagu, Aaja Chemnitz Larsen AG-mut oqarpoq.
Nassuiaavoq Kalaallit Nunaannit Folketingimut ilaasortaasartunut pingaartuusoq Kalaallit Nunaanni naalakkersuinikkut pisuni malinnaalluarnissaq, taamaalilluni Danmarkip Folketingiani Kalaallit Nunaat pitsaanerpaamik sullinneqarluni.
Arlaleriarluni misiliisoq
Arlalaeriarlunga Pele Broberg ataatsimeeqatiserisarsimavara. Nassuiaavigineqarpunga Folketingimi ilaasortatut naammaginartumik ”qaffasissuseqanngitsunga” soorlu Danmarkimi imaluunniit nunani allani nunanut allanut ministeri, IA-mit Folketingimi ilaasortaq nassuiaavoq.
Eqqumiigaa inuussutissarsiornermut, niuernermut, nunanut allanut tunngasunut silallu pissusaanut Naalakkersuisutut akisussaasoq ammanerunngimmat naalakkersuinikkut pingaaruteqartut suliassaqarfigimmagit, ilaatigut nunanuut allanut tunngasut Folketingimit isumagineqartut.
AG-mit Pele Broberg oqaaseqartinniarsiamagaluarparput, aviisilli aaqqissuunnerata naalernerani iluatsinnatigu.
Oqaluttuaq tamaat AG-mi sapaatip akunnerani matumani saqqummersumi atuaruk. Ugguuna iserfigisinnaavat: