Skip to main content

Aaja Innuttaasunik katerisimaartitsinermi nersornaaserneqartoq

Folketingimi ilaasortaq Aaja Chemnitz Larsen Bornholmimi Innuttaasut katerisimaartinneqarmata Oqaloqateqarsinnaasutut nersornaaserneqarpoq.

Danmarkimi politikkerit, soqutigisaqaqatigiiffiit innuttaasullu sapaatip akunnerani matumani Bornholmimi Innuttaasut katerisimaartinneqarnerannut peqataapput.

Kalaallit Nunaanni Folketingimi ilaasortaatitaq Aaja Chemnitz Larsen (IA) taakkununnga ilaavoq, ukiorlu manna peqataanermini immikkut pissangassuteqarsimavoq, tassa Oqaloqateqarsinnaasutut nersornaaserneqarnissamut innersuunneqarsimagami.

Innuttaasut katerisimaartinneqarneranni polikkerit immikkut tusarnaarsinnaasoq, oqaloqatiginnissinnaasoq ukiullu siuliani aamma Innuttaasut katerisimaartinneqarneranni oqaloqateqartarlunilu sunnertissimasoq nersornaaserneqartarpoq. Nersornaat politikkerimut 'ukiup siuliani tusarnaarluarsimasumut, oqaloqateqarluarsimasumut aamma Folketingip ataatsimiinnerani oqallittarnernut sunnertissimasumut tunniunneqartarpoq. Oqaloqateqarsinnaasutut nersornaat politikkerimut oqaloqatiginnissinnaasumut - tassa oqaluinnarani aamma uagutsinnik oqaloqateqarsinnaasumut tunniunneqartarpoq, Innuttaasunik katerisimaartitsisartut allapput.

Inuit ulloq manna tikillugu innersuunneqarsimasunik taasisinnaapput, arfininngornerlu ualisoq saqqummiunneqarpoq Aaja Chemnitz Larsen nersornaaserneqartussaasoq:

Ministeriunermut unammillertoq

- Nersornaaserneqarnissara naatsorsuutigisimannginnakku attortittupilussuuvunga. Ullormut nalunaaquttap akunneri 24-t Danmarkip Kalaallillu Nunaata imminnut ataqatigiinnissaat anguniarlugu aamma atugarliornerpaat pillugit angusaqaniarlunga atorniartarpakka, Aaja Chemnitz Larsen nersornaaserneqarami oqarpoq.

Aaja Chemnitz Larsen nersornaaserneqarami aperineqarpoq, aappaagu nersornaasiisoqarnissaanut kina unammillerusunneraa, politikkillu tassani ministeriuneq Mette Frederiksen unammillerniarlugu oqaatiga:

- Ministeriuneq unammillerpara. Suliniutit Kalaallit Nunaannut tunngassuteqartunik imallit amigaatigisarnerat pissutiginerullugu. Kina, Rusland USA-lu Kalaallit Nuannik soqutiginnimmata, Danmarki Kalaallit Nunaannik soqutiginninnerminik takutitsinerusariaqarpoq.

- Ataatsimoorutta immitsinnut pisuunerulersissaagut, oqaloqatigiittarnissarput iliuuseqarfiginerusariaqarparput aamma isummat pigiliutiinnakkat Kalaallit Nunaanni sorsuutigisarsimaqisavut akiorniartariaqarpavut, Aaja Chemnitz Larsen oqarpoq.

Oqaloqateqarsinnaasutut nersornaasigassatut innersuunneqarsimasut allat taassapput: 

Mona Juul, folketingimi ilaasortaq (C)

Stinus Lindgreen, folketingimi ilaasortaq (RV)

Tommy Ahlers, folketingimi ilaasortaq (V)

Hans Stavnsager, Faaborg-Midtfyn Kommunemi borgmesteri (S)

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER