Skip to main content

Aaja ingerlatsinermi siulittaasumut tullinngorusuppoq

Folketingimi politikkeri isumaqarpoq, Inuit Ataqatigiinni pikkorinnerusoqalernissaa pisariaqartinneqartoq, aamma partiip politikkia erseqqinnerusariaqartoq.

Inuit Ataqatigiit sapaatip akunnerata matuma naanerani tallimanngorpamiit sapaatiuppamut nuna tamakkerlugu ataatsimeersuassapput, ingerlatsinermilu siulittaasumut tullinngorniuttoqarsinnaalluni.

Agathe Fontai maannakkut siulittaasumut tulliuvoq, folketingimilu ilaasortaq Aaja Chemnitz Larsen siulittaasup tullianut unammillerniarluni maanna nalunaaruteqarpoq.

Taassuma Sermitsiaq.AG-mut oqaatigaa, partiip aqutsisuinut ilanngunniarluni qinigassanngortilluni, isumaqarami partiip isuma erseqqinnerusariaqartoq:

- Qinersisartut qineqqusaarutigisimasavut pisortatigoortumik politikkitsinni takusinnaasariaqarpaat, taanna oqarpoq.

Aaja: Sakkutuunngorniartarneq ingerlaqqittariaqarpoq

Aaja isumaqarpoq, Kalaallit Nunaanni piginnaasanik qaffassaanissaq IA-mi erseqqinnerusumik takuneqarsinnaasariaqartoq:

- Qanoq nukittunerutigisumik inissisimanissarput pillugu siumut isigaluta eqqarsartariaqarpugut. Matumani assersuutigalugu sakkutuunngorniartarnerup ingerlateqqinneqarnissaa kissaatigaara.

- Qinersisartut aqqaneq-marlunnik issiatitaqalersilluta qinerpaatigut, tamannalu politikkitsinni takuneqarsinnaasariaqarpoq. Najukkanut atatillugu aamma pingaaruteqartoq tassaavoq Kangerlussuaq, Aaja Chemnitz Larsen oqarpoq.

Aaja Chemnitz Larsen taamaalilluni IA-mit aqunneqartuni Naalakkersuisut nalunaarutaannut akerliusumik oqaaseqarpoq. Naalakkersuisut sakkulersortoqannginnissaanik kissaateqarneq innersuussutigalugu, ukioq manna siusinnerusukkut Kalaallit Nunaanni Illersornissaqarfiup sakkutuunngorniartitsisarnera unitsippaat.

Sakkutuunngorniartarneq pillugu nalunaarut isornartorsiorsimagaa

Naalakkersuisut aamma nalunaarutiginikuuaat, Folketingip aningaasaliiffigisaanik Kangerlussuarmi sakkutuunngorniartoqartarnissaa kissaatigineqanngitsoq. Taamatut nalunaaruteqarneq Aaja Chemnitz Larsenip aamma isornartorsiorsimavaa.

Aaja Chemnitz Larsen naapertorlugu, partiimi tunuliaqutaasut peqataatinneqarnerunerisigut tamanna aaqqiiffigineqartariaqarpoq:

- Partiimi pikkorinnerusoqalernissaa pisariaqartinneqarpoq. Partiip iluani peqataatitsiuartarnissaq qulakkeerniarlugu aaqqiissuteqartariaqarpugut, tassa naapeqatigiinnerinnarmi tamanna pisaqqunagu. Tamatumunnga atatillugu qanoq iliuuseqarsinnaanitsinnut isumassarsiaqarpunga, taanna oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER