Skip to main content

Aaja: Ilinniartitaaneq pisussaaffittut isigineqalersinnaavoq

- Immaqa ilinniartitaaneq pisinnaatitaaffittut isigiunnaarlugu, pisussaaffittut isigilertariaqarparput, Aaja Chemnitz Larsen oqarpoq

- Nunat Issittumiittut allat assigalugit imminortarneq, ilinniagakissuseq, imerajunneq, sianissutsikkut nappaateqalersimasut, inissaaleqineq kiisalu ilaqutariinnermi piginnaasat annertusarnissaat ilisimaarinerunissaallu unammilligassaraagut. Unammilligassaqarneq immini nutaarsiassaanngilaq, kisianni namminiilivinnissamik kissaateqarnermut attuumassusinngitsoorsinnaanngilara.

Meeqqat illersuisuat kiisalu Inuit Pisinnaatitaaffiinut Kalaallit Nunaata Siunnersuisoqatigiivini siulittaasoq Aaja Chemnitz Larsen oqarpoq. ICC-ip aqqaneq aappassaanik ataatsimeersuarnerani Inuvimmi ingerlanneqartumi peqataaqqammerpoq. 

Oqallissaarummini ilinniartitaaneq pingaartippaa. 

- Issittumi nunanilu allani nunat suleqatigisatta akornanni torrallatatsinnik immitsinnut ilinniarfigisinnaassagutta, inuiaqatigiinni unammilligassatta nammineerluta suunissaannik aaqqiissuteqarnerminngaanniit sukkanerusumik pitsaanerusumillu aaqqiissutissanik pitsaanerusunik nassaarsinnaavugut. Immitsinnut sunik ilinniarfigisinnaanerluta paasissallugu pingaaruteqarpoq. Nunap inoqqaaviisa akornanni ataatsimoorneq sumut atorsinnaavarput? Ilisimasallu atorlugit aaqqiissutissat ajornartorsiutinut aalajangersimasunut tunngatillugu nunat akimorlugit sumut atorsinnaavagut?, Aaja Chemnitz Larsen aperaaq. 

Innuttaasut inuusunnertaat
- Piviusumik attanneqarsinnaasumik ineriartortitsineq – inuttut aningaasaqarnikkullu – kinguaariinnit inuusunnerusunit pissusissamisoortumik aallaaveqarpoq. Pinaveersaartitsineq aaqqiissutissallu siunissamut ungasinnerusumut tunngasut suli annertunerujussuarmik eqqarsaatigisariaqarpagut.
 
- Meeqqat tamarmik ataqqinassusilimmik toqqissisimasumillu meeraanissaat qulakkeerniarlugu allannguinerujussuit pisariaqarput, kisianni allannguinerit annertoorujussuit piffissaq sivisooq atorlugu anguneqartarput, aallartinnissamullu maanna piffissanngorpoq. Meeqqat tassaapput isumalluutitta pingaarnersaat. Akuttunngitsumik takusarlugillu tusartarpagut allaat meeqqat ukiukitsut atugarliortut, tamakkualu inersimasutut annertuumik suliassaqarnitsinnik uppernarsaataapput, Meeqqat illersuisuat kiisalu Inuit Pisinnaatitaaffiinut Kalaallit Nunaata Siunnersuisoqatigiivini siulittaasoq Aaja Chemnitz Larsenip oqallissaarummini ilaatigut allappoq. 

ICC-p ataatsimeersuarnera pillugu aviisimi atuarneqarsinnaavoq. Aviisi ataani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER