Folketingimut qinersineq

Aaja: DF nukittuumik inissisimatillugu ajornakusoorsinnaavoq

IA sinnerlugu Folketingimut qinigassanngortittup Aaja Chemnitz Larsenip Dansk Folkepartip talerperlerni partiini anginerpaanngornera maluginiarpaa

Aaja Chemnitz Larsenip Dansk Folkepartip siuariarujussuarnera nuannarivallaanngilaa

Dansk Folkeparti Folketingimut 37-ersuarnik ilaasortaatitaqalerpoq. Taamaalillutik talerperliit ilaasortaatitanik 90-inik, Venstremeersup Lars Løkke Rasmussenip ministeriuninngornissaanik qulakkeerinnittumik, qularnaarunneqarput.

- Naalakkersuisuutitaqalernissamut tunngavissat qanoq isikkornissaat nalugaluarpara. IA-p tungaanit oqartuarpugut, Kalaallit Nunaata kiffaanngissuseqartumik nipigigaatigut, saamerlernut talerperlernulluunniit siumoortumik pituttorsimanngitsoq. Paarlattuanilli talerperliit Dansk Folkeparti isumaqatigivallaartanngisarput nukittuumik inissisimammat tapersersussallugu ajornakusoorsinnaavoq, Inuit Ataqatigiinneersoq Aaja Chemnitz Larsen oqarpoq.

Aamma atuaruk: Kim Kielsen pissaaneq pillugu: Partii anginersaat suli peqatigaarput

Aamma atuaruk: Danmarkimi taasinerit tamarmik kisinneqareerput

Powered by Labrador CMS