Folketingimut qinersineq
Aaja Chemnitz Larsen sulilersoq
Inuit Ataqatigiit Lars Løkke Rasmussenimut, naalakkersuisunik amerlanerussuteqartunik pilersitsinissamut misissuisussatut kunngikkormiunit toqqarneqartumut, oqaloqatigiinnissamut ullumi aggersarneqarput
Inuit Ataqatigiit sinnerlugu Folketingimut ilaasortanngorlaaq, Aaja Chemnitz Larsen, Københavnimut tikissimatsiaannarluni Lars Løkke Rasmussenimik sapaammi oqaloqateqassaaq. Tamanna Folketingimut ilaasortap Facebook quppernerani nutartikkami atuarneqarsinnaavoq.
- Københavnimut apuuppunga kunngikkormiunillu misissuinissamut toqqarneqartoq Lars Løkke Rasmussen ullumi ataatsimeeqatigissallugu, Aaja Chemnitz Larsen allappoq.
Politikeri Kalaallit Illuutaanni Løvstrædemiittumi Inuiattut Ullorsiornermik kingusinnerusukkut nalliuttorsioqataassaaq.
- Inuiattut Ullorsiornerput Kalaallit Illuutaanni kingusinnerusukkut nalliusseqataaffigissavara. Ilisarnartorpassuarnik takunissara neriuutigaara, Aaja Chemnitz Larsen allappoq.
Venstrep siulittaasua Lars Løkke Rasmussen naalakkersuisunik amerlanerussuteqartunik pilersitsisinnaassanerluni misissuivoq partiinillu tamanik oqaloqateqarluni. Partiit saamerlerneersut ullumi oqaloqatigissavai,
Ministeriuninngornissamut piukkunneqartup partiit talerperlerneersut arfininngornermi ataatsimeeqatigai, tamatumanilu partiit imminnut ungasissorujussuunerat 'ajornakusoortutullu' isikkoqarnera nalunaarutigalugu.