Aaja akerlerfiiffiusinnaasumik oqaaseqartoq: Nunaqarfiit pissusiviusut naapertorlugit matuneqartarlik
Nunaqarfiit inuerukkiartorneri malillugit matuneqartarlik, innuttaasullu illoqarfinnut nuunnissaannut ikiorneqarlutik, taamaalilluni atuagarissaartuuneq qaffatsinneqassaaq, Aaja Chemnitz Larsen sisamanngormat Folketingimi oqaaseqarami oqarpoq.
Folketingimi ilaasortaq Aaja Chemnitz Larsen (IA) sisamanngormat Folketingimi ammaanersiorluni oqallittoqarmat, politikkikkut assortuussutaasinnaasumik oqaaseqarpoq; atugarissaartuuneq qaffasinnerulersinniarlugu nunaqarfiit matuneqarlik innuttaasullu Kalaallit Nunaanni najugaqarfinnut ikinnerusunut katersorneqarlik.
Under sin tale torsdag aften kom Aaja Chemnitz Larsenip Kalaallit Nunaanni inuiaqatighiit qanoq ineriartortinneqarsinnaanerannut takorluukkani sisamanngormat unnukkut oqaaseqarnermini saqqummiuppaa, tassungalu atatillugu oqaatigaa atugarissaartuuneq qaffasinnerulersinniarlugu najugaqarfiit ikinnerulersinneqartariaqartut:
- Nammineq inuuttut isumaqarpunga, ullumikkut Kalaallit Nunaanni najugaqarfiusunit 80-iusunit najugaqarfiusut ikinnerusariaqarttut. Illoqarfiit ineriartortinneqassapput nunaqarfiillu ingerlalluartut attatiinnarneqarlutik, nunaqarfiit allat pissusiviusut naapertorlugit matuneqartarlutik.
Inatsisaatsuussuseq
Tamatumunnga atatillugu inuit illoqarfinnut mianersortumik silatusaartumillu nuunneqarnissaannut ikiuinissaq qulakkeerneqassaaq. Taamaammat atugarissaarnerunissaq qulakkeerlugulu neriorsuutigisariaqarparput, Aaja Chemnitz Larsen oqarpoq.
Politikkerip ilaatigut innersuussutigaa, nunaqarfinni peqqinnissaqarfimmut saaffiginninniartarnerup ajornartarnera:
- Aanaqqeera nunaqarfimmi nakorsamit takuneqarani kræfteqarluni toquvoq, isumaqarpungalu Kalaallit Nunaanni peqqinnissatigut sullissisarnerup ajorsiartornera ajorluinnartoq - pingaartumik nunaqarfinni, Aaja Chemnitz Larsen oqarpoq.
Nunaqarfinni tamani kommunefogedeqartitsilernissamik ukiorpassuarni suliniuteqarsimanerup iluatsinneqarsimannginnera ilanngullugu oqaatigaa:
Katersuuttariaqarpugut amerlanerulerlutalu
- Tamatuma kinguneranik nunaqarfinni inatsisaatsuliortarneq atuuttarpoq, matumanilu pineqarluni meeqqanik atornerluisartorpassuaqarnera. Meerartavut taamatut atugartissinnaanngilavut, Aaja Chemnitz Larsen oqarpoq.
- Nalunngilara tamatuma Folketingimi qaqilerneqarnera sakkortuumik tiguneqarsinnaasoq, tamannalu pillugu oqallinnissaq Kalaallit Nunaanni ingerlanneqartussaasoq, taanna nangilluni oqarpoq.
- Siunertarivara Kalaallit Nunaanni meeqqat atugarliornerpaasut pillugit nutaaliorluta isumaginninnikkut aaqqiissutissarsionissaq eqqarsaatigalugu maligassiuisariaqarluta.
- Atugarissaartuuneq pitsaanerulersinniarutsigu Kalaallit Nunaanni sumiiffinnut ikinnerusunut katersuuttariaqartugut innuttaasullu amerlanerulertariaqartugut isumaqarpunga.