76-inik ukiulik pissartanngorniuteqataasoq tapersersorneqarluarpoq

Gerth Jonathansen qaannamik unammersuarnermut peqataagami isiginnaartunit tapersersorluarneqarpoq.

Qaannamik unammersuarneq Nuummi ulluni makkunani ingerlanneqaleruttoqarpoq, arfininngornermilu unammisoqarnerani peqataasoq ataaseq immikkuullarippoq.

76-nik ukiulik Gerth Jonathansen nunaqarfimmit Tiniteqilaameersoq arfininngornermi qaannamik parrunnermi ukioqatigiiaanni 60+-ni peqataavoq.

Unammersuarnermut peqataasussaanngikkaluarpoq, kisianni angerlamut angalanermini timmisartoq aallanngitsoopoq, taamaammallu periarfissani atorpaa, parrunnermullu peqataalluni, Gerth Jonathansen Sermitsiaq.AG-mut oqarpoq.

Qaannani suli piniarnermut atortarpaa, unamminermilu Gerth Jonathansen ajugaasut pingajuattut inissippoq, tassanilu isiginnaartunit tapersersorneqarluarnera qularutissaanngilaq.

Unammersuarnermi utoqqaanersoq Nuutoqqamit illersorneqarluarpoq, imaaniittullu unammersuarnermut peqataasut allat Gerth Jonathansen malippaat.

Hanseeraq Kleemann Nuummeersoq 60+-ini ajugaavpq, Peter Olsen ajugaasut aappaattut inissippoq, Gerth Jonathansen.

Unammersuarnerit ullumi sapaatip-akunneratalu tulliani nanginneqassapput, angusat unammiffissallu aaqqissuisut Facebookimi qupperneranni nittartagaanni takuneqarsinnaapput.

Powered by Labrador CMS