759.229 koruunit katersorneqarput

Tallimanngormat unnukkut kulturip illorsuani Katuami Nanu Børnip nuna tamakkerlugu katersuiniarnerani ingerlatsiviit inuinnaallu tunissuteqartarput.
Politikerit, nipilersortartut, timersortartut inuillu ilisimaneqartut allat callcenterimi sianertunik tigooraapput. Aamma ingerlatsivinnit assigiinngitsuneersut takkullutik checkimik tunissuteqarput. Unnuup naalernerani aallakaatitamik ingerlatsisup Nukâka Coster-Waldau-p nalunaarutigaa 759.229 koruunit katersorneqarsimasut.
Aningaasat angerlarsimaffimmi persuttaasarnerup akiornissaanut atorneqassapput.
Aamma atuaruk: Persuttaaneq akiorniarlugu aningaasanik katersuiniarneq