Innuttaasut
75-inik ukiullit 2040-mi pingasoriaammik amerlanerulersimassasut
Naatsorsueqqissaartarfiup kisitsisaataani takuneqarsinnaavoq nunatsinni inuit suli ikiliartortut
Ukiuni 20-ni aggersuni innuttaasut ilimanarpoq ikiliartornissaat maanna 56.282-niit 2020-mi 55.900-nut, 2030-milu 54.800-nut.
2040-mi Kalaallit Nunaanni ullumikkumiit 3.000-nik ikinnerusut najugaqassasut Naatsorsueqqissaartarfimmit ilimagineqarpoq.
Innuttaasut agguaqatigiisillugu ukiui
Naatsorsueqqissaartarfiup kisitsisaataani ilaatigut takuneqarsinnaavoq innuttaasut
agguaqatigiissillugu ukiui ullumikkut 34,9-iusoq 38-mut qaffasoq.
- Taamalilluni Kalaallit Nunaanni innuttaasut Danmarkimi innuttaasunut assersuutitut naleqqiullugit ukiukinnerussapput, tassa Danmarkimi innuttaasut agguaqatigiissillugu maanna ukiui 40-iummata, Naatsorsueqqissaartarfik nalunaaruteqarpoq.
Ukiut inuit amerlassusissaasa naatsorsorneqarfianni utoqqaat - 75-init ukiullit - pingasoriaammik amerlisimanissaat naatsorsuutigineqarpoq.
Innuttaasut sulisinnaasutut ukioqassutsimikkut inissisimasut ikileriassarnissaat
naatsorsuutigineqarpoq taamaakkaluartorli suli innuttaasut affaasa missigissagaat naatsorsuutigineqarpoq.
Innuttaasut qanoq amerlatiginissaannik naatsorsuinikkut angusat pingaarnerit, Kalaallit Nunaanni Naatsorsueqqissaartarfiup 2040-ip tungaanut nunatsinni innuttaasut pillugit naatsorsugai, taama isikkoqarput, 1. januar 2014-mi innuttaasunut naatsorsuutit naammassisat tunngavigalugit.
Kisitsisit Naatsorsueqqissaartarfimmi suliarineqartut ataani takuneqarsinnaapput