Skip to main content

66-inik ukioqarluni ataataqalersoq

Tida Sigurdsdatter Ravn inatsisitigut ataataqanngitsutut inatsisitigut ataataqanngitsut ataataqarnissamik pisinnaatitaaffeqalernissaat sulissutigisimavaa. Nammineq ataatassarsiornera kiisami naammassisimavoq inunngornerminit ukiut 66-it qaangiutillartullu. Sisamanik qatannguteqalerpoq, ataataali qanganngoreersimavoq.

Inatsisitigut ataataqanngitsut ataatassarsiorneranni Tida Sigurdsdatter Peqatigiiffik Ataatami ukiut 13-it matuma siorna pilersinneqartumi siuttuusimavoq. Inatsit ukiut qulit matuma siorna atuutilerpoq, namminerli ataatassarsiornini ukioq manna aatsaat naammassivaa.

- Inatsiseqalerpugut ukiut qulingajaat matuma siorna, taamaammat kingusinaalaarpunga, oqarpoq illariaatigaluni.

Illuatungilimmik oqarpoq tassami Tidap ataataa pillugu apeqqut inuunerani initoorujussuusimavoq.

- Mikisorsuullungali anaanaga aperisarpara ataataqarnerlunga. Akisarpaanga soorunami meeqqat allat assigalugit ataataqartunga. Sumiinnersoq aperigaangama akisarpaanga: ”Tamaaniinngilaq. Allamiippoq.” Apersortuarpunga, taamaammallu qulinik aqqanilinnilluunniit ukioqartunga oqaluuseriunnaaqqullugu apersuutigiunnaaqqullugulu oqarfigaanga. 18-iliiguma nammineq misissuisinnaasunga oqarpoq. Oqarpoq: ”Ilaqutaasa naluaatsit”, Tida oqarpoq, taamannak oqarneranut imannak qisuariarsimalluni:

- Qatannguteqarpunga? Taava kisimiinngilanga, oqarpoq.

Tida Sigurdsdatter Ravnip inatsisitigut ataataqalernissaminut aqqutaa pillugu, taamatullu qatanngutiminik nassaarnera pillugu allaaserisaq ARNANUT-mi atuarsinnaavat.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER