Telemi annertusaaneq
4G Aasianni atuutilissaaq
Aasiammiut nunatsinni internetsimut aqqut sukkanerpaaq atulersinnaanngussavaat
Tele Greenlandip 4G LTE internet Aasianni juunip 26-ani 2015 atuutilersissavaa, Mobilt Bredbånd Premiumilu tuninialerlugu. Aasiammiut taamaasillutik internetsimut aqqut sukkanerpaaq atulersinnaanngussavaat. Suliffeqarfik tusagassiorfinnut nalunaarummi taama paasissutissiivoq.
Ilulissani 4G atulerneqareerpoq.
Taamaalilluni 4G atorlugu teknikkip internetsimut silaanakkut ingerlasumik aqqutissaq sukkasooq periarfississavaa. Internetsikkut datanik aallerniaraanni Mobilt Bredbånd Premium atorlugu 20 megabit sekundimut aaneqarsinnaapput, datanillu nassiussiniaraanni sekundimut 5 megabit atorlugu nassiussioqarsinnaalluni. Tamatuma saniatigut 20 megabit ilaareerpoq, soorlu Bredbånd Premiumimi atorneqartoq, Tele-Post paasissutissiivoq.
Oqarasuaammi angallattakkami 4G LTE aamma atorsinnaavoq, tusagassiorfinnut nalunaarummi oqaatigineqarpoq.
Mobilt Bredbånd Premium Qaqortumilu Nuummilu Maniitsumilu Kangerlussuarmilu Sisimiunilu Ilulissanilu pioreerpoq, maannalu Aasianni atorneqarsinnaalissaaq, Tele-Post paasissutissiivoq.
Mobilinik aallakaatitsissutit assingat kakkiullugu ilanngunneqartoq aamma takuuk.