31-nik ukiulik Permagreenimi pisortassatut piareersarneqartoq
2020-mi Preben Kold Larsen ukiorpassuarni entreprenørit ingerlatseqatigiiffiisa annersaata pisortarisimasaa ruujorilerisup kingoraassavaa. Ukiuni kingullerni marlussunni Permagreen annertuumik ingerlatsinermi amigartoortarsimavoq
Nuummi inissiisarfiup nutaap sananerani ukiut aappassaanik annertuumik annaasaqarnerit peqqutigalugit amigartoortoqarmat maanna ajornerpaaq anigorneqarpoq, Permagreenilu ajunnginnerusumut ingerlavoq.
Aviisi Sermitsiaq taama allaaserisaqarpoq.
Kinguaariit nikinnissaat inissittoq
Taama isumaqarpoq Kalaallit Nunaanni entreprenørit ingerlatseqatigiiffiani pisortaq Preben Kold Larsen.
Maanna kinguaariit nikinnissaat inissippoq. 2020-mi pisortaq 63-inik ukiulik Preben Kold Larsen qullersatut tunuassaaq. Taamaaliorniarpoq suliniutini angisuuni piorsaaniarluni naatsorsuisarniarlunilu.
31-nik ukiullip Jeppe Steffensenip ullumikkut Brøndumimi suliniummi pisortap kingoraassavaa.
Ruujjorilerisut suliffeqarfiani Brøndum Grønlandimi suliniummi pisortap pikkorissup inuusuttup Permagreenimi pisortaanertut atorfinitsinneratigut ingerlatseqatigiiffimmi kinguaariit nikissapput.
- Jeppe Steffensenip suliassarilissavaa ineriartortuarnerup isertitaqarnerullu annertusinissaa kiisalu aqutsisut nukittorsarlugit, pisortaaneq Permagreenimilu piginneqataassutit amerlanersaannik piginnittoq Preben Kold Larsen oqarpoq.
Allaaserisaq tamaat Sermitsiami saqqummertumi kingullermi atuaruk – uani ataani avisiimut isissutissarsigit: