ujaasineq
28-nik ukiulik aavartoq ujaarineqartoq
Sisimiut Sarfannguillu akornanni Utoqqaat tasiata qinnguata eqqaani 28-nik ukiulik aavartoq periarfeeruppoq, politiit ilisimatitsipput.
Annonce
Nalunaaruteqarneq ippassaq pingasunngornermi nalunaaqutaq 13.25 pivoq, qulimiguulimmillu ujaasinermi nassaarineqanngilaq.
28-nik ukiulik angut kalaaleq aavariaqatigisaminit marlunnit kingullermik takuneqarpoq. Aavarnerminnilu avissaarniarlutik isumaqatigiissimapput.
Sullisinik qasertunik qarleqarpoq, tungujortumik kavaajaqarluni, qernertumillu nammattagaqarluni.
Politiit qulimiguulimmik ujaasinertik nangeqqissavaat, kisianni inuit sumiiffimmi angalasut maluginiaaqqullugit kajumissaaripput. Paasissutissat tamarmik soqutigineqarput. Simiuni politiit 70 13 22 attaveqarfigineqarsinnaapput.