Skip to main content

28-nik ukiulik aallaasilik ilinniagaqarfinni aallaasersornernit isumassarsisinneqarsimavoq

Angutip inuusuttup tarnimigut nappaatillip tigusariniarneqarnera pillugu politiit pisoq siullermeersumik oqaluttuaraat

Politiit nalunaaruteqarput Nuummi Kongevej 11-mi tigusarinninniarneq naammassisoq, pasineqartorlu tigusarigitsik.

Inunnik ajoqusertoqanngilaq.

Sermitsiaq.AG-p oqaluttuarneratut inissiami igalaaq nalunaaqutaq 16:27 aserorneqarpoq kinguninngualu angut tigusarineqarluni.

Mailsinik amiilaarnartunik nassiussisimavoq

Misissuinerminni politiit aallaasit arlallit nassaarisimavaat.

Angut 28-nik ukiulik siusinnerusukkut GU-mi ilinniartuusimavoq.

Politiit taanna pasivaat mailsinik sioorasaarutinik tallimanngormat GU-mut nassiussisimasutut - sioorasaarutinik immikkuualuttorpassualinnik.

Angutip inuusuttup tarnimigut nappaatillip ilaatigut USA-mi atuarfinni aallaasersortarnerit innersuussutigisimavai.

– Taamaattumik tamanna pimoorupparput tallimanngormallu februaarip 5-anni ilinniarnertuunngorniarfimmiittut qimagussortippavut, poliltiit arfininngormat unnukkut siusissukkut nalunaaruteqarput.

Politiit kingorna angutip Kongevej 11-mi inissiaanukarput.

Paasiniaanikkut paasineqarsimavoq angut inissiami immaqa aallaaseqarlunilu akuallajasunik imerpalasuuteqartoq.

Ulloq unnuarlu ungusareqqavaat

– Taamaattumik suut tamarmik piareersarneqarput.

Kingorna ulloq unnuarlu ingerlapput, politiit inissiap eqqaa assersorlugu, saniliiniittut qimagussortillugit angullu nammineerluni tunniutiinnartinniarsaralugu.

Tamannali ajornaatsuinnaanngilaq, taamaattumillu piffissaq sivisooq ingerlareersorlu politiit aalajangerput tigusariniarlugu.

Tamanna pivoq nalunaaqutaq 16:30 missaani, sinerissamit Danmarkimillu politiit tikisitat ikiortigalugit.

Qujapput

Politiit misissuinertik nangippaat, kingusinnerusukkullu isummerfigineqassaaq 28-nik ukiulik inatsisit tunngaviusut malillugit killisiorneqassanersoq.

– Politiit taamatut sivisujaamik iliuuseqarneranni innuttaasut paasinninnerannut ataqqinninnerannullu qutsavigaavut. Aammattaaq suleqatigisavut, iliuuseqarnermi ikiuuttut, qutsavigaavut, politiit allaffiannit oqarput.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER