Avannaa
25-nik ukiulik Uummannami toqumik kingunilimmik ikuallatitsisutut unnerluutigineqarpoq
Uummannami pasinartumik ikuallattoqarnerani inummik ajunaartoqarpoq
Uummannami politiit novembarip 28-ianni ullaaralaannguaq illumi ikuallattoqarneranik nalunaarfigineqarput.
Politiit pisimasoq ikuallatitsinertut suliaraat. Illup qatserneqarnerani inuk illumi ikuallagaasimasoq nassaarineqarpoq.
Toqussutaa paasiniaqqissaarlugu
Politiit aalajangersimapput ilisimasalimmik tikisitsiniarlutik, ikuallagussaasup timaanik paasiniaasussamik, inuk kinaassusersiniarlugu sunalu toqqutigisimaneraa qulaajarniarlugu. Politiit paasiniaanermikkut angut 25-nik ukiulik tigusaraat, taannalu toqutsisutut unnerluunneqarpoq.
Ippassaq killisiorneqarpoq
Tigusarineqartoq decembafrip 2-anni inatsisit tunngaviusut malillugit killisiorneeqarpoq, ullunilu 27-ni tigummigallagassanngortinneqarluni.
Politiit pisimasoq suli misissugaraat, ikuallannermilu teknikerinik tikisitsisoqarpoq illoqarfinnguami tassani ikuallannermut sunarpiaq pissutaanersoq paasilluarumallugu.