Skip to main content

216 millioner koruuninik siorna tunniussaqarpoq

Suliffeqarfissuaq Polar Seafood 2014-imi angusarissaarpoq

Nunatsinni aalisarnermik suliffeqarfissuit ingerlataqartut anginersaasa aappaat, Polar Seafood, 2014-imi angusarissaarpoq, ilaatigut 216 millioner koruuninik, akileraarutinut A-nut, suliffeqarnermi akitsuutinut, raajanut qaleralinnullu akitsuutinut, nakkutilliinermut akitsuutinut kiisalu ingerlatseqatigiiffinnit iluanaarutinillu akileraarutinut agguarlugit, tunniussaqarluni. Taama suliffeqarfissuaq ukiumoortumik ataatsimeersuareerluni tusagassiuutinut nalunaaruteqarpoq.

Naatsorsuutini erserpoq Upernavik Seafoodip tunineqarsimanera ukiumut sinneqartoorutinut sunniuteqarsimasoq, naak raajartassat ikiligaluartut, akitsuutit qaffasinneruleraluartut nunanilu tamalaani unammillerneq sakkortuneruleraluartoq.

Leth naammagisimaarinnippoq
- Naammagisimaarinnippugut. Minnerunngitsumik eqqarsaatigissagaanni, naatsorsuutitigut naammaginartumik angusaqarniarluni ukiuni makkunani ilungorsortariaqarneq, ataatsimeersuartoqareermat Henrik Leth oqarpoq. 

- Pisassiissutit ikiliartortut aningaasartuutillu qaffakkiartortut inuussutissarsiummut matumunnga navianartorujussuupput, qujanartumilli suliffeqarfiup tunitsivigisartagaani pingaarnerni marlussunni raajat akiisa qaffassimaneri kiisalu ikerinnarsortunik aalisarnissamut utaqqiinnarata aningaasaliisimanerput ilorraap tungaanut ingerlalernitsinnut iluaqutaasimapput, oqarpoq.

Sulisut sulilluartut
Henrik Lethip angusarissaarnermut pissutaalluinnarnerarpai imartani, tunisassiorfinni, allaffinni nunaniluunniit allani tuniniaavitsinni sulisut sulillluarsimanerat. Taakkualu tulluusimaarutigai.

- Kalaallit suliffeqarfiutaattut tulluusimaarutigarput nunatsinni nunatta karsianut aningaasarpassuarnik tunniusseqataasinnaagatta. Ukiumi naatsorsuusiorfiusumi 2014-imi Polar Seafood 216 millioner koruuninik, akileraarutinut A-nut, suliffeqarnermi akitsuutinut, raajanut qaleralinnullu akitsuutinut, nakkutilliinermut akitsuutinut kiisalu ingerlatseqatigiiffinnit iluanaarutinillu akileraarutinut agguarlugit, tunniussaqarpoq. Ukiumut kingullermut 10 mio. koruuninik amerlanerullutik, siulittaasoq erseqqissaavoq.

Polar Seafoodip naatsorsuutai pillugit paasissutissat allat talerpiata tungaani atuakkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER