2022-mi timmisartumik angalasut ima amerlassuseqarput

2022-mi timmisartumik angalasut coronap nunarsuaq tamakkerlugu tuniluutilinnginnera sioqqullugu amerlassuseqangajapput, ilisimaneqareersutut angalanissamut killilersuisoqarnera pissutigalugu tamanna eqqugaangaatsiarnikuuvoq.

2022-mi timmisartumik ilaasartaammit nunanut allanut angalasut ukioq 2021-mut sanilliullugu 46.191-inik amerleriarsimasut, Naatsorsueqqissaartarfimmit saqqummersitap takutippaa.

Corona sioqqullugu 2019-imut sanilliullugu 1,7 procentinik apparialaartoqarpoq.

Timmisartumik ilaasartaammut ilaallutik nunatta avataanut mittarfinnit arfinilinnit angalasut amerlassusaat, uani titatakkami takutinneqarput: Kangerlussuaq, Nuuk, Kulusuk, Ilulissat, Nerlerit Inaat, Narsarsuaq.

Kisitsisit amerleriaqqikkaluartut, Kunngeqarfimmit tikeraartut ikileriarsimapput. Nunanit allani ilaasut amerlassusaat 2019-imi 25.000-nit 2022-mi 20.000-t missaannut ikileriarsimasut, tabelimi ataani takuneqarsinnaavoq.

Ilaasunut Danmarkip Kalaallit Nunaatalu avataani najugaqartunut kisitsisit ima isikkoqarput: