Skip to main content

2021 ukiuussaaq eqqumiitsoq

Sulisitsisut pisortaat patajaassutsimik iliuuseqarsinnaassutsimillu kissaateqarpoq.

2021 ukiuussagunarpoq 2020-tut eqqumiitsoq, kisianni pissutsit pitsanngoriarnissaannut periarfissaqarluni. Taama Sulisitsisut pisortaat, Christian Keldsen, isumaqarpoq, kisiannili coronamik pissutsit, kommuninut qinersinissap aamma Naalakkersuisut katitigaanerat pillugu nalornissutiginninnerup inuussutisssarsiornerup patajaasssutsimik pisariaqartitsineranut unammilligassanik pilersitseratarsinnaanerat eqqoriarlugu.

Aviisi Sermitsiaq taama allappoq.

–2021-mi kommuninut qinersissaagut, ukiorlu Siumup iluani paarlaasoqarnerata kinguneranik Naalakkersuisut katitigaanerat pillugu nalornissuteqarluta aamma naapissavarput. Neriuppunga patajaassutsimik suugaluartumilluunniit pingaartitsisoqassasoq, maannakkorpiaq anorersuarsiorneq ilisimaneqanngitsoq aqqusaarlugu isumannaatsumik ingerlaniartussaagatta inuussutissarsiornermullu politikkikkut patajaassutsimik sinaakkutissanillu pitsaasunik pisariaqartitsigatta, Christian Keldsen aviisimut Sermitsiamut oqarpoq.

– Matumani takornariaqarneq, aatsitassarsiorneq aalisarnerlu piffissamik pissanganartumik ornigaqartut immikkut eqqarsaatigaakka. Takornariaqarneq aatsitassarsiornerlu covid-19 pissutigalugu killilersuinernit unammilligassanillu eqqugaasimapput, aalisarnerlu Aalisarneq pillugu Ataatsimiititaliarsuarmit nutaamik isumaliutissiissuteqarfigineqartussaalluni.

Pissutsit pitsaasut

Naalakkersuisut ukiortaanngitsiartoq suliffissaqartitsinermut periusissiaq nutaaq tamanut saqqummiuppaat. Keldsen pissutsinik pitsaasunik tamatumani takusaqarsinnaanerarpoq:

– Maluginiarpara inuussutissarsiornerup, tassunga ilanngullugu suliaqarfiit nutaat, nukittorsarnerisigut suliffissaqartitsinermik pilersitsinissaq kissaatigineqartoq, sukarsuarnik arlaqarnerusunik aalisarnerinnaanngitsumik isumalluuteqarsinnaaniassagatta.

Tamanna Sulisitsisut kissaataannut naapertuuppoq, tamatumalu piviusunngortinneqarnissaa pissangallunga qilanaaraara.

Aviisimi Sermitsiami atuarnerusinnaavutit. Aviisi uani pissarsiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER