2021-mi Nuuk Marathon ingerlanneqassanngilaq
Arpattartoqatigiit NAAPE-p Nuuk Marathon taamaatippaat. Akerlianik arpatsitsineq 2022-mi nutarsarlugu aallartinnissaa anguniarneqarpoq.
Upernaap ingerlanerani Nuummi arpattartoqatigiit NAAPE-p Nuuk Marathon 2021 aasaanerani sulinngiffeqarnerup kingorna ammariartuaarnermut pilersaarummut atatillugu ingerlanneqarsinnaanersoq nalornissutigaa.
Arpannissaq aggustip 7-anni pisussatut pilersaarutigineqaraluarpoq, kisianni nunanut tamalaanut ammasumik Nuuk Marathonimik ingerlatsisoqarnissaanut nalorninartut amerlavallaarsimapput.
Kim Godtfredsen NAAPE-mit Sermitsiaq.AG-mut taama oqarpoq.
2020 arpatsitsinissaq aamma coronamut killilersuinerit aamma aningaasaliisartunut isumaqatigiissutit nalorninarnerat pissutigalugit taamaatinneqarpoq.
Aaqqissuisut maanna arpatsitsinerup 2022-mi nutarsarneqarluni uteqqinnissaa sulissutigaat, Kim Godtfredsen oqarpoq.
- Aappaagumut piareersarnissamut piffissaqarluassaaq, arpattartoqatigiillu marathonerluni arpanneq aamma marathonstafet 2,4-nik imaluunniit 8-nik arpattoqarnissaa siunniuppaa. Timersoqatigiiffiit, suliffeqarfiit, kikkullu tamarmik aappaagu aaqqissuussamut peqataanissaannut kaammattuivugut. Tamatuma saniatigut aaqqissuineq nunani tamalaani arpattartut nittartagaanni saqqummiunneqassaaq, nunanit tamalaani arpattartunut qaaqqusisoqarluni, Kim Godtfredsen allappoq.
NUUK MARATHON 2022 aggustip 13-ianni pisussatut pilersaarutigineqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...