Uuliasiorneq
2018 nunatsinni uuliasiornissamik takorluuinermi aalajangiisuussaaq
Uuliasioqatigiiffiit 2018-imi aalajangertussaanngorpaatTunumi uuliamik ujaasinissami ingerlaqqissanerlutik imaluunniit ujaasinissamut akuersissutit arfineq marluk utertissanerlugit
Kalaallit Nunaata kitaa ujaasiffiujunnaareerpoq, aappaagulu Tunumi taamatut pisoqarsinnaavoq. Sermitsiaq aviisi allappoq.
Uuliasioqatigiiffiit Kalaallit Nunaata kitaata imartaani uuliamik ujaasinissaq taamaatippaat, ujaasiffissatullu akuersissutit arfineq marluk utertinnissaannut immikkoortut kingulliit inissikkiartorlutik.
Aatsitassanut Naalakkersuisoqarfiup akuersissutit arfineq marluk allattugaataaniipput: Surrender is ongoing (taamaatitsinissaq suliarineqarpoq).
– Ingerlatseqatigiiffinnit paasissutissat katersorneqartut pissarsiarinissaat suliassaavoq annertooq, anguniagarli angulerparput, Naalakkersuisoqarfimmi pisortaq Jørgen T. Hammeken-Holm Sermitsiamut oqarpoq.
Skotlandimiut uuliasioqatigiiffiata Cairnip 2010-mi 2011-milu ujaasinermi qillerinerit arfineq pingasut ingerlappai, qillerussuillu Kangerlussuarmi quersuarmiipput.
Tunumi arineq-marluk suli ingerlasut
Tunumi ujaasiffiit arfineq marluk suli ingerlapput tallimat imaaniillutik marlullununamiillutik.
Ujaasinermi piffissaq siulleq 2018-ip naanerani naammassissaq, tamannalu sioqqullugu uuliasioqatigiiffiit aalajangissavaat piffissap immikkoortuanut tullermut ingerlaqqissanerlutik tamatumani ujaasinissamut sukannernerungaartunik piumasaqaateqarluni, imaluunniit akuersissutit Namminersorlutik Oqartussanut utertissanerlugit.
Pissarsiat misissorneqartut
– Ingerlatseqatigiiffiit paasissutissaatitik ujaasinissamut piffissap siulliup ingerlanerani ujarassiornikkut misissuinerminni pissarsiatik misissuleruttorpaat, Nunaoilimi pisortaq Hans Kristian Olsen Sermitsiamut oqarpoq.
Namminersorlutik Oqartussat uuliasioqatigiiffiat Nunaoil A/S akuersissutini tamani piginneqataavoq.
Allaaserisaq tamakkerlugu Sermitsiaq aviisimi tamakkerlugu atuaruk, aviisi digitaliusoq uani pisiariuk: