Skip to main content

2018-imi Panam sioqqullugu: Aningaasat ajornakusoornerpaassapput

Ukiut marluk tulliuttuni Assammik Arsartartut Kattuffiat tamaviaarluni sulissaaq, taakku inersimasunut timersornermik aatsaat taamak annertutigisumik aaqqissuussissapput

Amerikap nunavittaani assammik angutit arsarlutik pissartanngorniunnisssaat 2018-imi Nuummi Inussivimmi ingerlanneqassaaq, nerisaqartitsinissamut inissaqartitsinissamullu pilersaarusiorneq aallartereerpoq.

Nunatsinni Assammik Arsartartut Kattuffia sapaammi Sermitsiaq.AG-mut oqaluttuarpoq.

Pilersaarusiorneq aallartereerpoq
Kattuffik arfininngornermi assammik arsarnermik nuannarisalinnut annertuumik tunissuteqarlutik oqaluttuarput, Amerikap nunataani nunat aqqaneq-marluk assammik arsarfiusartut Nunatsinni 2018-imi unammissasut.

Ullumikkullu GHF-p aningaaserisuata Kristian Heilmannip pilersaarusiornerup oqaluttuarinissaanut piareerpoq.

- Aningaasaqarneq missingersuutillu inissinnissaat nammilligassat annerpaartarissavaat, taanna Sermitsiaq.AG-mut oqarpoq.

Aningaasarpassuarnik akeqassasoq
- Elitesport Greenlandimi aamma aningaasaateqarfiit tapiinerisa saniatigut inuussutissarsiortunit aamma Namminersorlutik Oqartussanit kommunimillu tapiiffigineqarnissaq pisariaqassaaq.

Maannakkullu timmisartumik angallassinissat aaqqissuunneqassapput, timmisartortitseqatigiinnilk angalatitsivinnillu isumaqatigiissuteqartoqassaaq.

Video nuannerluinnartoq takuuk: Unammisartut ajugaanertik imatut malunnartittarpaat

Atuaruk: Argentinamut unamminerup kingorna aningaasat 26-eriaammik amerlillugit utertippai

Pissartanngorniunneq taama annertutigisoq aaqqissuussinnaavarput?

- Inissaqartitsinermut aamma nerisassaqartitsinermut oqaloqatigiinnerit aallartereerput, inissikkumaarput, aningaaserisoq qularnaveeqqusiivoq.

- Kisianni Inussivimmi atisalersortarfinnik aamma ataatsimiittarfinnik arlalinnik aaqqiisoqartariaqassaaq, tassani unamminerit amerlanersaat aaqqissuussangatinneqarput.

Pilerisaarilluni sulineq akilerpoq
Panam 2018 aaqqissuunnissaanut amerlanerussuteqalernissamut suna aalajangiisuua?

- Tamanna nunat ilaasortaasut tamarmik taasissutigisarpaat, tassa Nunatsinnit pilerisaarilluni sulineq ilaatigut apeqqutaavoq. Kisianni aamma Nunarput tassani pissartanngorniunnerpassuarnut peqataanikuummat toqqarneqarpoq, aammalu assammik arsartarnitsinni kulturimik suliaqarnerput nersorpaat, kiisalu Kalaallit Nunaat misigisaqarfigerusuppaat, qanorlu iliortarnersugut takorusullugu, Kristian Heilmanni Sermitsiaq.AG-mut oqarpoq.

Assit takukkit: Kalaallit Nunaata angusaasa annersaat

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER