2016-imi SAR-imik ujaasinerit amerlanerit
SAR-imik ujaasinerit nunami immamilu amerlatsikkiartorput.
Annonse
Politiit ukiumut naatsorsuutaanni takuneqarsinnaavoq, politimesteri Bjørn Tegner Bay nalunaaruteqarpoq.
Kisitsisit takutippaat qaammammut agguaqatigiisillugu arfineq marloriarluni ujaasisoqartartoq.
Ujaasinerit 2012-imiik marloriaatit sinnerlugit amerlariarsimapput.
Nunami immamilu ukiut kingulliit tallimat ingerlanerini ujaasinerit:
- 2012: 32
- 2013: 58
- 2014: 72
- 2015: 72
- 2016: 79
Ujaasineq kingulleq Nuummi sapaatip akunnerata siuliani ingerlanneqarpoq, umiatsiaaraq tammaaneqarmat. Qulimiguulimmik umiarsuarmillu ujaasisoqarpoq, angut ujaarineqartoq nassaarineqanngitsoq ujaasineq unitsinneqarpoq.
Ujaasinermi nalaanneqarsimasut politiit ukiumoortumik kisitsisaataanni toqugasut nassaarineqarsimasut qanoq amerlatigineri paasissutissiarineqanngilaq.