Skip to main content

2015-imi filmiliullammattut toqqagaq

Filmiliortartut peqatigiiffiat arfininngormat Nuummi ukiumoortumik nersornaasiivoq

Filmiliortartut peqatigiiffiata Film.gl-ip arfininngormat kulturip illorsuani Katuami ukiumoortumik filmiliornermi nersornaat ilitsersuisumut, producerimut, assiliisumut killuisartumullu Ulannaq Ingemannimut tunniuppaa.

Peqatigiiffiup siulittaasuata Pipaluk K. Jørgensenip siulersuisut nersornaasiinermut tunngavigititaat atuarpai.

Eqqumiitsuliortoq tamatigoortoq

– Innersuaq 2015 kalaallimut inuusuttumut filmiliullammammut, ukiualunnguit ingerlaneranni anguniagaqarluartutut, filmiliornermik ilisimannittutut tamatigoorluinnartumillu filmiliortartutut malunniuteqalersimasumut tunniunneqarpoq.

Ulannaq Ingemann filmiliortarnermini assigiinngitsorpassuarnik suliaqartarsimavoq. TV-mi aallakaatitassianik, filminik naatsunik, filminik aliikkutassianik filminillu piviusulersaarutinik.

– Nuna tamaat akimorlugu tunisassiornermik selskabit filmilioqatigiillu suleqatigisarsimavai, taamaasillunilu nunatsinni filmiliortartut ataqatigiissarsimallugit, siulittaasoq oqarpoq.

Tapersersuinermik ersiut

– Filmiliornermik piginnaasalik nersornaaserneqaraangat immaqa suliamut tatisinertut isikkoqarsinnaavoq. Ukioq mannali Innersuaq (filmiliornermi nersornaatip aqqa, aaqqiss.) tigusisup suliaanik ataqqinninnertut, pingaartumilli tapersersuinermik ersiutitut, tunniunneqarpoq.

Ulannaq Ingemannimut nersornaammik dtunniussisuupput siorna nersornaaserneqartdut Emile Hertling Péronard aamma Inuk Silis Høegh.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER