Skip to main content

2013-imi qinersinermi aningaasaqarneq aamma sammineqarsimavoq

Siumut tunuliaqutaralugu Inatsisartunut qinigassanngortittup Julie Rademacherip immikkut ilisimasalik naqqippaa: 2013-imi sammineqarsimasutut ukioq manna sammineqartut pingaaruteqarput

Julie Rademacherip, ukioq manna Siumut tunuliaqutaralugu Inatsisartunut qinigassanngortittup Michael Böss, atuakkiortoq Aarhus Universitetimilu lektori, isumaqatiginngilluinnarpaa, taanna oqarmat 2013-imi qinersinermi Danmarkimut naalagaaffeqatigiinnullu attaveqarneq aningaasaqarniarnermit sammineqarnerusimasoq.

Julie Rademacher siorna aamma qineqqusaarnermi peqataavoq, taamanikkut Aleqa Hammondip, ajugaarujussuartup, siunnersortaatut.

– Ulloq taanna qinersisoqarmat isumasiuisimavunga, atugarissaarnerullu saniatigut aningaasaqarneq pingaartinneqarnerpaajusimavoq. Tamatumani ilaatigut sammineqarlutik aatsitassat akitsuutillu, aammattaarli aalisarneq, Julie Rademacher ullumikkut oqarpoq, taassumalu misissuineq ingerlassimavaa bachelorimut ilinniaqarnerminut atatillugu, tassanilu ersarissumik takuneqarsinnaavoq nunami maani qinersisartut sammisat taaneqartut ukioq mannatulli soqutigisimagaat.

– Naalagaaffeqatigiinnermut attaveqarneq eqqarsaatigalugu tamanna pingaartumik qallunaat tusagassiorfiinit sammineqarsimavoq, tamannalu Michael Böss-ip atuarsimagunarpaa. Qularaarali kalaallinik naammattumik aningaasarsialinnik oqaloqateqarsimassasoq. Oqallinnermi miseraq kajortitaq pillugu oqallinneq puigukkiussimavaa. Aleqap allallu miseraq kajortitaq eqqartoraat, naalakkersuisooqatigiit issimasut suliffissaaleqineq annikilliseriarsimavaat, akitsuutinullu aaqqissuussinermik nutaamik sanasimallutik.

– Suliffissaqartitseqqilernissaq aatsitassarsiornermilu akitsuuteqalersitsinissaq Siumup pingaartitarisimavaa sulilu pingaartitaralugu, Julie Rademacher erseqqissaavoq.

Kalaallit Nunaanni Naatsorsueqqissaartarfimmit kisitsisit kingulliit malillugit suliffissaaleqisut 2014-imi oktobarimi, 2013-imi oktobarimit ikinnerusimapput. Akerlianik nunap tunisaasa nalingisa appariaataat 2013-imi 2012-iminngarnit annertunerusimavoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER