Piniarneq
2.000-t sinneqartut pisatik nalunaarutigisimanngilaat
Ingammik sunngiffimmi piniartut ukiumoortumik immersuiffissat immersorsimanngilaat. Aatsaat tamanna pereerpat piniarnermut allagartaq nutarterneqarsinnaavoq.
Inuussutissarsiutigalugu piniarnermut allagartallit pisatik nalunaarutigilluarsimavaat. Taakku 80 procentiisa ukiumoortumik immersuiffissaq immersorsimavaat, taamaalillutillu piumasaqaatit sinneri naammassisimagunikkit piniarnermut allagartartik nutartertippaat.
Sunngiffimmi piniartutut allagartallit naammaannartumik immersuipput. Taakku 40 procentiisa kisimik pisatik nalunaarutigisimavaat. Sinnerisalu taamaattumik maannamut piniarnermut allagartartik nutartertissinnaanngilaat.
Sunngiffimmi piniarnermut allagartat 1.700-t missaanittut aamma inuussutissarsiutigalugu piniarnermut allagartat 400-t suli pisaminnik nalunaaruteqarsimanngillat.
Inuussutissarsiutigalugu piniarnermut allagartamut 320-t itigartinneqarput, isertitat affaat aalisarnermit piniarnermiillu pisarnissaannut piumasaqaammik naammassinninnginnertik pissutigalugu.
Ukiumoortumik immersugassat www.sullissivik.gl atorlugu immersorneqarsinnaapput.