Skip to main content

19-inik ukiulik toqutsisimasutut tigummigallarneqartoq

Angut 19-inik ukiulik angummik 67-inik ukiulimmik Qaqortumi toqutsisimasutut ulluni 28-ni tigummigallarneqassaaq.

Politiit tallimanngormat unnulluinnartoq Qaqortumi Majavejimi persuttaasoqarsimaneranik nalunaarfigineqarsimapput.

Politiit najukkamut apuukkamik angut 67-inik ukiulik inimini toqungasoq siumorpaat.

Kingunitsiannguatigut angut 19-inik ukiulik politiinit tigusarineqarpoq. Angut pineqartoq arfininngormat ualikkut inatsit tunngaviusoq naapertorlugu killisiorneqarsimavoq, ullunilu 28-ni tigummigallarneqassalluni.

Angut 19-inik ukiulik toqutsisimasutut unnerluutigineqarpoq, Kalaallit Nunaanni Politiit pigaartuisa pisortaat Aqqaluk Petersen Sermitsiaq.AG-mut ilisimatitsivoq.

Politiet sapaatip ullaavani matumani erseqqinnerusumik ilisimatitsissutigisinnaanngilaat, 19-inik ukiullip unnerluutigineqarnerminut qanoq isummersimanera.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER