Skip to main content

1.800-t missaaniittut aningaasakilliortut

Aningaasakilliortuni inuusuttut aappaqaratillu meeraqanngitsut amerlanerpaapput. Kalaallit Nunaanni Naatsorsueqqissaartarfiup kisitsisaata tamanna takutippaa.

Naatsorsueqqissaartarfiup naatsorsorsimavaa nunatsinni innuttaasut 1.792-it 2017-imi aningaasakilliorsimasut. Taakkuupput inuiaqatigiinni agguaqatigiissillugu isertitatut naatsorsuussat 50 procentiinik ukiumut isertitaqarsimasut, tassa akileraareerlutik ukiumut 77.000 koruuningajannik isertitaqarsimasut.

Inuusuttut kisimiittut angajoqqaallu

Aningaasakilliortut ilaqutaqarnerat qiviaraanni, inuusuttut kisimiittut meeraqanngitsut amerlanerpaapput, 938-iullutik. Taakkunannga amerlanerpaartaat 20-t 29-llu akornanni ukioqarput.

Naatsorsuinerup takutippaa angajoqqaat kisimiittut 211-t aningaasakilliorsimasut. Angajoqqaat kisimiittut ataatsimik meerallit 136-iupput, angajoqqaallu kisimiittut marlunnik amerlanerusunilluunniit meerallit 75-iullutik.

Qaanaaq, Upernavik Tasiilarlu innuttaasunik naatsorsuinermut sanillersuukkaanni aningaasakilliorfiunerpaapput.

Isumaa

Danskit piitsut pillugit immikkut ilisimasallit ataatsimiititaliaata nassuiaataa Naatsorsueqqissaartarviup atorpaa. Aningaasakilliorneq ima isumaqartinneqarpoq:

- Inuk ilaqutariilluunniit innuttaasunut allanut sanilliullugit piumasarinngisaminnik inuuniarnermikkut ilungersuuteqarnerusut, taamaattoqarnerani amigaateqarneq aningaasassaaleqinerlu pissutaatinneqarlutik. Inissisimaneq ataavartuuvoq, inullu ilaqutariilluunniit allannguinissamut iliuuseqarsinnaanngillat imaluunniit killilimmik iliuuseqarsinnaapput, Naatsorsueqqissaartarfik allappoq.

Tamakkiisumik takutitsinngilaq

Naatsorsuutit assiliamik tamakkiisumik takutitsinngitsut Naatsorsueqqissaartarfiup erseqqissarpaa, naatsorsuutinimi nammineq atugassatut aalisarneq piniarnerlu, nunaqarfinni isorliunerusunilu atorneqartartoq, ilanngullugit naatsorsuunneqarsimanngillat. Meeraaqqerivinni akeqanngitsumik meeqqaniittuuteqarsinnaaneq ininullu tapit aamma ilanngunneqarsimanngillat.

Illoqarfinni nunaqarfinnilu aningaasakilliortut aggulussimaneri assigiinngillat. Nuna tamakkerlugu illoqarfinni 2017-imi aningaasakilliortut 3 procentiusimapput, nunaqarfinni savaateqarfinnilu kisitsit 8 procentiusimalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER