Skip to main content

18-inik ukiulik toqutsisimasutut unnerluussaalluni tigummigallarneqartoq

Angut 18-inik ukiulik arnamik 62-inik ukiulimmik toqutsisimasutut arnaillu 45-nik ukiulimmik toqutseriarsimasutut unnerluunneqarpoq

Angut 18-inik ukiulik ippassaq arfininngornermi ualikkut arfernut missaanni tunngaviusumik inatsisit naapertorlugik killisiorneqarpoq. Narsarsuarmi ippassaq unnuakkut toqutsisimasutut toqutseriarsimasutullu unnerluunneqarpoq.

Unnerluunneqartoq pisuussuteqarnermut tunngatillugu eqqartuussivimmi oqaaseqarusussimanngilaq, eqqartuussisoq aalajangerpoq apriilip arfineq-pingajuata tungaanut ulluni 26-ni tigummigallarneqassasoq.

Narsarsuarmi politiit ippassaq unnuakkut nalunaaqutaq 02.34 kalerrinneqarput.

Nalunaarutigineqarpoq inuit marluk ajoquserneqangaatsiarlutik persuttarneqarsimasut. Politiit kingusinnerusukkut angut 18-inik ukiulik tigusaraat.

Arnaq 62-inik ukiulik toqukkut qimaguppoq, arnarli 45-nik ukiulik ikiorserneqarsimavoq Qaqortumilu napparsimmavimmut unitsinneqarsimalluni.

Pisimasoq misissuiffigineqarpoq, tassungalu atatillugu Kalaallit Nunaanni Politiit Naalagaaffiup politiivini toqusunik misissuisartumit ataatismit kriminalteknikerinillu marlunnit ikiorserneqassapput.

Politiit misissuineq suli ingerlanneqarmat, maannakkorpiaq allanik paasissutisseerusunngillat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER