18-inik ukiulik suli ujaarineqartoq: Ujaasiffigisaq annertusineqarsimavoq

Oqartussanit angut inuusuttoq, Kangaatsiamiit Aasiannut imaatigut ingerlaarluni tammaaneqalersoq suli ujaarineqarpoq.

Umiarsuaq alapernaarsuut Triton marlunngornermi ualikkut Nuummiit ujaasiffimmukartinneqarpoq. Umiarsuaq aamma qulimiguulimmik nassataqarpoq.

Angut 18-inik ukiulik ataasinngonermili unnukkut ujaarineqalersoq ajoraluartumik suli nassaarineqanngilaq.

Issittumi Sakkutooqarfimmit pingasunngornermi unnuttoq taamatut ilisimatitsissuteqartoqarpoq:

- Qulimiguuliuterput EC225 ataasinngornermi unnukkulli sapinngisarput tamaat ujaasitissimavarput. Qulimiguulik umiarsuatsinnut alapernaarsuummut Lauge Kochimut mittarfpo - orserniarluni il. il..

- Umiarsuaq alapernaarsuut sineriammut qanittumi avataanilu ujaasitinneqangaatsiarsimavoq, aamma timmiartuuterput hercules C130 sumiiffimmi ujaasiffiusumi ujaasitinneqarsimavoq, ajoraluartumilli iluatsitsiffiunngitsumik, Issittumi Sakkutooqarfimmi presseofficeri Camilla Schouw Broholm Sermitsiaq.AG-mut oqaluttuarpoq.

Ujaasiffigisaq annertusineqartoq

Den 18-årige sejlede fra Kangaatsiaq klokken 04 mandag men dukkede aldrig op i Aasiaat. Han blev meldt savnet af pårørende mandag aften.

Camilla Schouw Broholmip oqaluttuaraa, politiit suleqatiginerisigut ujaasiffigisaq annertusineqarsimasoq.

AAMMA ATUARUK: Ujaasisoqartoq: Angut 18-inik ukiulik tammaaneqarpoq

- Politiit ilaatigut ilaqutaasunut tusarniaasimapput. Tassanilu paasinarsisimavoq, angut tammaaneqartoq ilimagisatsinniit ungasinnerusumiissinnaasoq. Taamaammat ujaasiffigisarput annertusisimavarput, presseofficeri oqarpoq.

Umiarsuaq alapernaarsut Triton aamma marlunngornermi ualikkut ujaaseqataajartortillugu Nuummiit avannamukartinneqarsimavoq. Umiarsuaq aamma qulimiguuliuteqarpoq ujaasinermut ikiuussinnaasumik.

Angut 18-inik ukiulik umiatsiaaqqamik Vitt 442-mik, qaqortumik qalipaatilimmik aallarsimavoq, qasertumillu kavajaqarluni.

Piffissaq uanmmillernartoq kaammattuinerlu

Presseofficerip ilanngullugu oqaatigaa, angut 48 tiimit sinnerlugit attaveqarfigineqarsimanngitsoq, ujaasinermilu piffissaq unammillernartuusoq.

Imaatigut angalasunut isumannaallisaanermi atortunik eqqaasaqartoqartarnissaa kaammattuutigaar:

- Maanngaanniit kaammattuutigissavarput, angalanermi isumannaallisaanermut atortunik tamanik nassataqarnissap eqqaamaneqartarnissaa - aamma takuneqarsinnaasunik atisaqartoqartarnissa, radio, mobiltelefoni ilaalu ilanngullugit eqqaamaneqartarnissaat kaammattuutigalugu - tassa ajornerpaamik pisoqartnerani ikiuutaasinnaasut tamarmik nassarneqartarnissaat kaammattuutigaarput. Aamma angalaffigisaq ilisimalluaraluaraanniluunniit amerlasooriarlunilu angalaffigisimagaluaraanniluunniit, Camilla Schouw Broholm oqarpoq.

Powered by Labrador CMS