18-inik ukiulik arnamik 62-inik ukiulimmik toqutsisimasutut tigusarineqartoq
Angut 18-inik ukiulik Narsarsuarmi toqutsisimasutut toqutseriarsimasutullu tigusarineqarsimavoq. Arnaq 45-nik ukiulik annertuumik ikilerneqarsimavoq.
Narsarsuarmi arnaq 62-inik ukiulik toqusimavoq, arnarlu 45-nik ukiulik ikilerneqangaatsiarsimalluni. Kalaallit Nunaanni Politiit tusagassiorfinnut nalunaaruteqarlutik allapput.
Narsarsuarmi politiit unnuaq nalunaaqutaq 02.34 kalerrinneqarsimapput.
Nalunaarutigineqarpoq, inuit marluk ajoqusingaatsiarlugit persuttarneqarsimasut. Politiit angut 18-inik ukiulik tigusarisimavaat, angut maanna toqutsisimasutut toqutseriarsimasutullu pasillerneqarpoq.
Arnaq 62-inik ukiulik toqukkut qimaguppoq, arnarli 45-nik ukiulik ikiiorserneqarsimavoq Qaqortumilu napparsimmavimmut unitsinneqarsimalluni.
Pinerluuteqarsimasutut pasineqartoq ullumi kingusinnerusukkut tunngaviusumik inatsisit naapertorlugut killisiorneqassaaq tigummigallarneqarnissaalu piumasaqaatigineqarluni.
Kalaallit Nunaanni Politiit Rigspolitiit toqusunik misissuisartuannit kriminalteknikerinillu marlunnit ikiorserneqassapput.
Kalaallit Nunaanni Politiit, misssuineq suli ingerlammat, maannakkorpiaq allanik paasissutissaateqanngikkallarput.