Skip to main content

17-inik ukiulik savimmik kapitissimalluni navianartorsiorpoq

Nukappiraq 17-inik ukiulik arfininngormat ulloq 19. august Ilulissani najugaqarfimmi savimmik kapitinnermigut niaqqumigut aqqunarujussuarpoq. Angut 21-nik ukiulik toqutseriarsimasutut unnerluutigineqarpoq.

Politiit arfininngormat nalunaaquttap 11.00 missaani nalunaarfigineqarsimapput, najukkamilu angut 21-nik ukiulik politiinit tigusarineqarluni.

Nuummut aallarunneqartoq

Angutip niaqqumigut kapineqartoq inuunera navianartorsiormat Nuummi Dronning Ingriup Napparsimmavissuanut unnukkut aallarunneqarpoq.

Sapaammi ulloq 20. august inatsit tunngaviusoq naapertorlugu killisiuisoqarpoq, tassani tigusarineqarsimasoq Qaasuitsup eqqartuussiviani sassartinneqarluni, eqqartuussisulli angut ulluni 25-ni tigummigallagassanngortippaa.

- Suna pissutigalugu kapisisoqarsimanasoq nassuiaatissarsiniarlugu, politiit maannamut paasiniarpaat, immikkoortoqarfimmi aqutsitisoq John Davidsen politeeqarfimmiit tusagassiuutinut nalunaarummi allappoq

Inuunera suli naviarnartorsiortoq

Nukappiaqqap 17-nik ukiullip inuunera suli navianartorsiorpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER