Norge
16-nik ukiullip Kristiansandimi marlunnik toqutsisimanini ukiuni 11-ni pineqaatissutigaa
Atuartoq 15-nik ukiullip atuaqatini arnarlu akuleruteriarnerani savimmik 60-lluni savimmik kapoorsimavai.
Sisamanngornermi 16-nik ukiulik, atuaqatiminut 14-nik ukiulimmut perorsaasutulli sulisumut 48-nik ukiulimmut, Kristiansandimi toqutsisimasutut ukiuni 11-ni pineqaatissinneqarpoq.
Tamaasilluni Kristiansandimi eqqartuussiviani eqqartuussisup unnerluussisussaatitaasup ukiuni qulinik piumasaqarnera sivitsorpaa.
Ukioq kingulleq decembarip ulluisa tallimaani, 16-nik ukiulik atuaqatini Jakob Hassan savimmik kapivaa, taamatullu 48-nillu ukiulik Tone Ilebekk kapisinermi akuleruteriaraluartoq ilanngullugu kapillugu.
Taakku marluk katillugit 60-nik savimmik kapoorneqarput, napparsimavimmilu annertuumik aanaarnertik toqqutigaat.
Politiit aallavigalugit Ilebekk nukappiaqqat taakku marluk kamaannerat unitsinniarsarinerani kapoorneqarsimasoq.
Pineqaatissinneqartoq kapoorinermini 15-nik ukioqarsimavoq. Pinerluuteqarsimaneratalu aqaguani killisiorneqarami taanna pinerluuteqarsimanini nassuerutigaa.
Eqqartuussinerup nalaani 16-nik ukiulik nassuiaavoq atuaqatimi aningaasanik tilliffigisimangaani, tamannalu assut kamaatigisorujussuusimallugu.
14-nik ukiulimmut 600 koruunit naliganut ikiaroornartumik pisiniarsimavoq, ikiaroornartuunasuisaali nunaminiusimalluni, tamannalu kamanneranut pissutaasoq, pineqaatissinneqartup eqqartuunneqarnermini taama nassuiaateqarpoq.