Skip to main content

16-inik ukiulik nunanut allanut unammisartoq

16-inik ukiulik Malik Hermarij ulluinnarni Levring Efterskolemi atuartuuvoq atuarfiullu isikkamik arsaannermut immikkoortua toqqarsimallugu. Aammali angutini inersimasuni nunanut allanut unammisartuuvoq

Amerlanngitsut imminnut inersimasuni nunanut allanut unammisartutut taasinnaapput. Sulili ikinnerusut 16-inik ukioqarlutik nunap tulluusimarutaatut isikkammik arsaattartuni landsholditut taasinnaasut ikinnerupput.

Kisianni Malik Hermarijip 16-inik ukiullit amerlanerit assiginngilai.

Tassami 15-inik ukioqarlunili Kalaallit Nunaata nunanut allanut unammisartuinut toqqagaavoq. Taassuma landsholdit sungiusaasuannit telefonikkut nalunaarfineqarami tusarpaa.

- Sungiusaasup oqarfigivaanga pikkorissorsuusunga, landsholdinilu målmandiutikkumavaanga, Malik Hermarij Upernavimmeersoq oqaluttuarpoq.

Danmarkimi unammeqataaqqaartoq
Naak målmandip paarlattaannaagaluarluni piffissaq sivikitsoq ingerlareersoq unammeqataaqqaarpoq.

Landsholdit aasaq Svendborgimi Tåsingemi unammipput.

- Unammisartut målmandiat unamminermi ilaanngilaq, taamaattumik isersimaqqaarpunga, ajunngitsumillu arsarpunga, Malik Hermarij oqaluttuarpoq.

Efterskolemi sungiusarluarneq
Nunanut allanut unammisartut amerlanngitsut efterskolemi atuartuupput. Kisianni Malik Hermarij augustimi Levring Efterskolemi aallartippoq.

- Marlunnik peqquteqarlunga efterskoleriarpunga. Siullermik qallunaatut ilinniariartorlunga, qallunaat kulturiat ilinniarumallugu aammalu nutaanik ikinngutitaartorniarlunga. Kisianni aamma nuannequtigivaa isikkamik arsarneq toqqarneqarsinnaammat, ingammillu måmanditut sungiusarsinnaagama, Malik Hermarij ukiuni arfineq-marlunni arsartarsimasoq maanna IT-79-mi arsartartuusoq oqarpoq.

- Maannamut efterskolernera nuannertoq isumaqarpunga.

Toqqaaneq ajornartoq
Maannali 16-inik ukiulik nunanut allanut unammisartoq akunnattoorfeqarpoq. Akunnattoorfik allat immaqa ajornartorsiut pitsaasumik taasinnaasaat.

Naak landsholdini målmandip tulliugaluarluni, allamik aamma nuannarisaqarpoq.

Tassami aamma assammik arsartartuni målmandiuneq pikkoriffigilluinnarpaa.

2015-milu U-16-ni unammisoqarnerani måmanditsialattut toqqagaavoq.

- Assammik arsarneq isikkammillu arsarneq sorleq toqqassanerlugu ajornartoq isumaqarpunga. Tamaasami nuannaraakka, kisianni isumaqarpunga assammik arsarneq nuannarinerullugu, taanna qungujulluni oqarpoq.

Aamma atuaruk: Ilulissat qallikkamik ivigaaraasanik arsaattarfittaassaaq

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER