16-inik ukiulik biilimik ajutoortoqarneratigut ajunaartoq

Arnaq inuusuttoq 16-inik ukiulik Nuup illoqarfiata ilaani Nuussuarmi sisamanngornerup unnuaani biilinik ajutoortoqarneratigut ajunaarpoq.

Biili sisamanngornerup unnuaani qulliup napasuanut apormat niviarsiaraq 16-inik ukiulik ajunaarpoq. Biili tallimanik ilaasoqarsimavoq.

Nuummi politiit ajutoortoqarneranut atatillugu angut ajutoornermut attuumassuteqartoq ajunaarfimmiillu qimaasimasoq ujaaraat.

Angutip ilisinaatai:

Nukannguaq Berglund Alaufesen

Angut kalaaleq 30-t tungaannut ukiulik

Assammigut nissavarsuup nigaliaanik kakkiortissimasoq.

Politiit simanngormat unnuakkut marlunut tanneq aqqaninngulivissoq nalunaarfigineqarsimapput, biili – Jeep Grand Cherokee – Nuup illoqarfiata immikkoortortaani Nuussuarmi Sorlaat aqqutaani qulliup napasuanut aporsimasoq.

Ilaasunit tallimaasunit sisamat ajoquserujussuarsimammata napparsimmavimmukaanneqarsimapput, taakkunaannga arnaq unnuaq toqukkut qimaguppoq. Ilaqutaasut ilisimatinneqareerput. Ilaasut sinneri pingasut inuunerminnik ulorianartorsiunngillat.

Peruluttoq

Nuuk politiit ilaasut tallimaat ujaaraat, ajutoortoqarneratigut perulussinnaammat. Taammaammat sapinngisamik piaarnerpaamik attavigerusupparput, nakorsamit ikiorneqarnissaa qulakkeerniarlugu.

Inuit angutip sumiinneranik imaluunniit sumiissinnaaneranik ilisimannottit piaartumik Nuumi politiinut oqarasuaat 701448 aqqutigalugu saaffiginneqquneqarput, politiit kaammattuipput.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS