atuarfeqarfiit

11. klasse ilinniagaqarusuttunut apeqqutaanngitsoq

Meeqqat atuarfiini 11. klasse atorunnaarsinneqarneranit ilinniarfinnut ingerlaqqittartut amerleriarsimapput

Meeqqat atuarfianit ilinniarfinnut ingerlaqqittartut ukiut qulit matuma siornamut sanilliukkaanni ullumikkut amerlanerupput

Meeqqat atuarfiini 11. klasse atorunnaarsinneqarnerata kingorna atuartunut ilinniarfinnut ingerlaqqittartunut sunniuteqarsimanngilaq.

Tamanna paasinarsivoq §37-mik apeqquteqaateqartumut Nikolaj Jeremiassen (S) akissuteqarfigineqarnerani.

Det fremgår af et svar på et §37-spørgsmål stillet af Nikolaj Jeremiassen (S).

Meeqqat atuarfianni 11. Klassip atorunnaarsinneqarnerata kingunerisaannik ilinniarfinnut ingerlariaqqinngitsoortartut qanoq amerlitiginikuuppat atorunnaarsinneqarnerata siornanut sanilliullugu?, Nikolaj Jeremiassen (S) apeqquteqarpoq.

2006-miik – 2011-mut amerleriartut

Nikolaj Jeremiassenillu (S) ilimagisaanit 2008-mi meeqqat atuarfiini 11. klasse atorunnaarsinneqarnerata kingorna ilinniarfinnut ingerlaqqittartut 29%-inik amerleriarsimapput.

Ilinniartitaanermut Naalakkersuisoq Doris Jakobsen (S) akissuteqarnermini Naatsorsueqqissaartarfiup kisitsisaataani takuneqarsinnaasoq tikkuussivoq.

11. klasse atorunnaarsinneqarnerata kingorna kisitsisit aallavigalugit ingerlaqittartunut ilorraap tungaanut ingerlalertoqarsimanera oqaatigineqarsinnaanngilaq.

2008-mi sioqqullugu amerliartulereersimapput. 2006-miik 2015 ilanngullugu Ilinniartitaanermu Naalakkersuisoqarfik naatsorsuisimavoq. 2008 tikillugu 1.245-niik 1.449-nut tassa 204-nik atuartunik amerleriarsimallutik.

2011-llu tugaanut atuartunik 322-nik aamerleriaqqissimallutik. 2011-llu kingorna amerliartorpallaarunnaarsimallutik.

Inuussutissarsiutinut ilinniartitaanerni aaqqissuusseqqinneq

Inuusuttunut meeqqat atuarfiat qimakkaagassuk ilinniarfinnut ingerlaqqittartut amerlisarnissaat Naalakkersuisut sulissutigigaat Naalakkersuisoq Doris Jakobsen (S) erseqqissaassuteqarpoq.

Atuaruk: Naalakkersuisut: Ilinniartut praktikerfissaat 400-nik amerlineqassapput

Ukioq manna inuussutissarsiutinut ilinniartitaanerni aaqqissuusseqqinnissaq pilersaarutaavoq.

Inuussutissarsiutinut ilinniartitaanerni aaqqissuusseqqinnerup taamaasilluni anguniagaraa amerlanerusunik sungiusaammik suliffissanik ilinniarfissanillu pilersitsiortortoqarnissaa, kiisalu inuusuttuaqqat amerlanerusut meeqqat atuarfiata kingorna inuussutissarsiutinut ilinniartitaanerni ilinniakkamik aallartitsisalernissaat, Doris Jakobsen (S) akissuteqarpoq.

Efterskoleni atuartut amerlassusaat sanilliunneqarsinnaanngillat aatsaammi 2009-mi naatsorsorneqalersimammata.

Powered by Labrador CMS