Skip to main content

1000 koruuniusaat pillugit suliani inuit marluk pasineqarput

Illoqarfiit pingaarnersaanni aningaasaasat peqquserlulluni suliarineqarsimasut atorneqarsimaneri pillugit suliani inuit marluk pinerlussimasutut pasineqarput.

Nuuk Politi ukioq manna qaammatini marlunni siullerni aningaasaasat 1000 koruunit pinerlulluni suliarineqarsimasut akiliutiginiarlugit atorneqarsimanerat pillugu nalunaarutinik sisamanik pisimapput. Aningaasaasat pinerlulluni suliarineqarsimasut pillugit nalunaarutiginninneq siulleq pivoq neriniartarfimmi januarip 18-ani 2020-mi.

Pisup kingorna Nuuk Center aningaasaasanik akiliiniartoqarsimaneranik marloriarluni nalunaarutiginnippoq.

Pisiniarfimmi inuk 1000 koruunimik peqquserluusiamik akiliiniaraluartoq kingullermik nalunaarutigineqarpoq februaarip tallimaani.​​​​​​​

- Paasissutissat pigisagut aallaavigalugit inuit taakku marluk imminnut ilisarisimanersut ilisimatitsissutigisinnaanngilara. Apeqqulli taanna suliat misissuiffigineqarnerini soorunami paasiniarneqassaaq, Kalaallit Nunaata Politiivini pigaartut pisortaat Søren Bendtsen oqarpoq.

- Suliani pingasuni siullerni, januaarimi nalunaarutigineqarsimasuni inuk ataaseq pinerlussimasutut pasineqarpoq, suliamilu kingullermi inuk ataaseq aamma pinerlussimasutut pasineqarluni, Søren Bendtsen oqarpoq.

Pigaartut pisortaata Søren Bendtsenip ilisimatitsissutigaa suliat inatsisilerituunit maanna nalilersorneqartut, pasineqartulli tigummigallarneqanngitsut.

- Suliani soorunami eqqartuussisoqassaaq. Sulialli maanna inatsisilerituunit nalilersorneqarput, oqarpoq.

Kalaallit Nunaata Politiivini attaveqatigiinnermik suliaqartoq Camilla Palmann ilisimatitsivoq Kalaallit Nunaanni peqquserlulluni aningaasaliat ingerlaartarneri akuttusut. Taassuma ilisimatitsinera naapertorlugu aningaasaasanik akiliiniarluni nalunaarutiginninnerit ukiumut marluk missaanniittarput.

Nutaamik qarasaasiakkut saaffiginnittarfeqalernikkut peqatigiiffeqarneq innuttaasunut peqatigiiffinnullu oqinnerusumik ingerlasinnaalissaaq
Nittartagaq nutaaq Sammisassat.gl aqqutigalugu peqatigiiffiit innuttaasullu ajornannginnerusumik peqatigiiffiit neqeroorutaannik malinnaasinnaalerlutillu paasissutissanik pissarsisinnaalissapput....
Kommuneqarfik Sermersooq kulturimut tapersersuisuuvoq – aningaasanik tapiissutinik pisinnaavutit
Tapiissuteqartarfik Sermeq kommunimi kulturimut tunngasunut suliniutinut aammaarluni aningaasanik tapiissuteqassaaq. Kulturimut tunngassutilinnik suliaqartartut, peqatigiiffiit inuillu eqimattat...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER