1-1-2 sianerfigiuk: Ajornartoornermi sianerfissaq 2021-mit aallartittumik ataasinnanngussaaq
Politiit ullumikkut kisiartaallutik oqarasuaatip normua ataasiinnaq atorlugu sianerfigineqarsinnaapput. Tamanna allanngortinneqassaaq, innuttaasut ikiorneqarnissamik pisariaqartitsisut normu 1-2-3 atorlugu politiinut, qatserisartunut peqqinnissaqarfimulluunniit ikiortissarsiorsinnaanngussapput
2020-mut aningaasanut inatsisissatut siunnersuummi to millioner koruunit immikkoortinneqarsimapput, taakku Kalaallit Nunaanni tamarmi ajornartoornermi sianerfissap pilersinneqarnissaat atorneqassapput. Ajornartoornermi sianerfissap 2021-mi atuutsinneqalernissaa siunertaavoq.
Upalungaarsimasut 2016-imi suleqatigiissitanik, ajornartoornermi sianertarfissap tunngavissaanik suliaqartussanik pilersitsisimapput.
Politiit kisiartaallutik oqarasuaatip normua ataasiinnaq atorlugu sianerfigineqarsinnaapput, akerlianik peqqinnissaqarfik qatserisartullu sumiiffinni tamani tamarmik immikkut sianerfiusinnaasunik normoqarlutik.
Innuttaasunut ikiuutaasussaq
Ajornartoormi sianerfissamik 1-1-2-mik pilersitsinermi siunertarineqarpoq, innuttaasut ajornartoornerminni 1-1-2 atorlugu sukkanerusumik upalungaarsimasartunit ikiorneqartarnissaat.
- Inuit angalasupilussuupput, taamaalu najugaqarfigisamik avataaniikkajuttarlutik, taamaammat innuttaasut tikeraallu ikiorneqarnissamik pisariaqartitsisut 1-1-2 sianerfigalugu ajornannginnerusumik ikiorserneqarsinnaalissapput, aningaasanut inatsisissatut siunnersuummi taamatut allassimasoqarpoq.
Ajornartoornermi sianerfissaq atuutsinneqalerpat, ingerlanneqarnera ukiumut en million koruuninik aningaasartuutaasassaaq.