Siunissami takornariaqarneq pillugu
innuttaasunik ataatsimiititsinerit
naammassineqartut
Inuussutissarsiornermut Naalakkersuisoqarfik
Qaqortumi, Sisimiuni, Nuummi, Aasianni Ilulissanilu
innuttaasunik ataatsimiititsivoq
– Inerniliullugu oqaatigisinnaavara, ataatsimiinnerit assigiinngitsut pingaaruteqarmata,
sinerissamilu angalalluta inuit toqqaannartumik tusarnaartarnerisigut takornariartitsinerlu
pillugu isumaannik paasisaqarfiginerisigut, qularinngilara inatsisit nalunaarutillu
naammassineqarnissaannut nukittunerusumik inissisimasoqassasoq, Naaja H. Nathanielsen
oqarpoq.
Leiff Josefsen
Umiarsuit takornariartaatit 667-it ukioq
manna Nunatsinnut tikinnissaat, Visit
Greenlandip nalunaarutigaa. Piffissami
matumani umiarsuarnik ilaasunik angallassisut Nunatsinni sumiiluunniit angallassisinnaapput, nunamili eqqissisimatitami
angallassiniarunik ilisimasassarsiornissamut immikkut akuersissummik pissarsisariaqarlutik.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat ilaanni allaaserisaavoq.
Allaaserisat pisartagaqartunit siunissami taamaallaat atuarneqarsinnaajumaassapput.
Atuarluarna.
Takornarianilli angallassisartut 2025-mit
killilersuisoqalernissaa naatsorsuutigisinnaassavaat. Inuussutissarsiornermut naalakkersuisup Naaja H. Nathanielsenip kommunit tallimaasut ukiup aallartinnerani
ataatsimeeqatigisarpai, aamma inuussutissarsiortunik oqaloqateqarnissaminik aaqqissuussisarluni, tamatumani Naalakkersuisut
takornariaqarnermut inatsimmik nutaamik
siunnersuutaanut qanoq oqaasissaqarnerinik paasiniaalluni.
Naalakkersuisoq inuussutissarsiortunik
tallimariarluni ataatsimeeqateqarnermini
isummanik pingaarutilinnik pissarsisimalluni oqaatigaa.
– Inerniliullugu oqaatigisinnaavara, ataatsimiinnerit assigiinngitsut pingaaruteqarmata, sinerissamilu angalalluta inuit toqqaannartumik tusarnaartarnerisigut takornariartitsinerlu pillugu isumaannik paasisaqarfiginerisigut, qularinngilara inatsisit
nalunaarutillu naammassineqarnissaannut
nukittunerusumik inissisimasoqassasoq,
Naaja H. Nathanielsen oqarpoq.
Naalakkersuisoqarfik Qaqortumi, Sisimiuni, Nuummi, Aasianni Ilulissanilu
innuttaasunik ataatsimiititsivoq, taakkunani apeqqutigineqarluni Nunatsinni takornariaqarneq siunissami qanoq aaqqissuunneqassanersoq. Innuttaasut ataatsimiinnernut
peqataasut tassaapput innuttaasut alapernaatsut, innuttaasut suliffeqarfimmut imaluunniit kattuffimmut imaluunniit politikkikkut partiimut tunuliaqutaasut, Naaja H.
Nathanielsen oqaluttuarpoq.
– Illoqarfinni tamani oqaaseqaatit takornariartitsinermik soqutiginninnermik, mittarfiit nutaat inuiaqatigiinnut qanoq sunniuteqarnissaannik, takornariartitsinermit
qanoq ajortumik sunnerneqarnaveersaarsinnaanitsinnik takornariartitsinerullu
periarfissaanut tunngasunik alapernaattunit
peqataaffigineqarnerupput.
Tikinneqarsinnaasut qorsuit,
sungaartut aamma aappaluttut
Takornariartitsinermut inatsimmi nutaami
ilaatigut siunnersuutigineqarpoq, kommunit sumiiffinni aalajangersimasuni takornarialerisunut qanoq killilersuisinnaanersut.
Naalakkersuisut inuussutissarsiortunut nunap immikkoortuinik qorsunnik,
sungaartunik aappaluttunillu immikkoortiterinissaq siunnersuutigaat. Tikitassani
qorsunni sumulluunniit angalaartoqarsinnaavoq, sungaartuni immikkut ittunik
piumasaqaateqarluni, aappaluttullu tassaallutik tikinnissaat inerteqqutaalluinnartut.
Tikitassami asimiluunniit aappaluttumi
soorlu inuussutissarsiutigalugu piniartut
illersorniarneqarsinnaapput. Assersuutigalugu taaneqarsinnaalluni nuna allanngutsaaliugaq Tunup avannaaniittoq. Tamaani
qularnanngitsumik angalaarsinnaallutik,
sakkutuut, piniartut Nunatsinneersut,
ilisimatusartut, aatsitassarsiortitseqatigiit
akuersissutaateqartut, tamaani angalaarsinnaassallutik, tamatumanili Ocean Explorerip qanoq pisimanera eqqarsaatigineqartariaqarluni, Naaja H. Nathanielsen ukioq
manna siusinnerusukkut Sermitsiamut
taama oqarpoq.
Ornitassanik killilersuinerup saniatigut
takornariartitsinermut inatsimmi nutaami
aamma piumasaqaataavoq, takornarianik
angallassisartut tamarmik akuersissutaateqassasut. Isumannaallisaanermut upalungaarsimaniarnermullu pilersaarusiortoqassaaq. Aamma takornariartitsisartunut
nunanit allaneersunut piumasaqaataalissalluni piginnittut amerlasuut Nunatsinni
najugaqartuunissaat. Tamakku saniatigut
takornarialerinermut inatsimmi nutaami
nunaqavissunik amerlanerusunik sulisoqarnissaq piumasaqaatigineqarpoq.
Takornariaqarnermut inatsit nutaaq apriilimi tusarniaassutigineqalissaaq.