Ilaasortakka perlilissagaluarput
Sanami atorfimmut atatillugu inissiat kusanartut nutaat ilaannik initaarnissaq SIK-p ilaasortaasa
eqqarsaatigisariaqanngilaat. – Inissianut akiliutit taamaattut quianaannarput, Jess G. Berthelsen oqarpoq
- Atorfimmut atatillugu inissianut
akissaqassappata akissarsiaat
sisamariaammik qaffattariaqarput,
Jess G. Berthelsen oqarpoq.
Leiff Josefsen
Nuummi Qatserisuni Sana-p inissiaataanut qaammammut 10.700
aamma 17.800 koruunit akornanni
peqqinnissaqarfimmi sulisut akiliisariaqarnerat pillugu oqallinneq,
SIK-p siulittaasuata Jess G. Berhelsenip malinnaaffigisimavaa.
Pitsaanerusumik anginerusumillu inissaqarnissamik takorluuisunik peqqinnissaqarfimmi sulisunik SIK aamma ilaasortarpoq.
Ilaatigut portørit igaffimmilu sulisut, Jess G. paasissutissiivoq. Taamaakkaluartorli inissiat nutaat imminerminnut aaqqiissutissatut isiginngilai.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat ilaanni allaaserisaavoq.
Allaaserisat pisartagaqartunit siunissami taamaallaat atuarneqarsinnaajumaassapput.
Atuarluarna.
- Ilaasortakka taama ittumut
nuukkaluarunik perlissapput. Akileraarutit akilereerlugit aningaasarsiatik tamarmik inissiamut atussagaluarpaat. Ineqarnermut akiliuteqareerunik ulluinnarni pisariaqartitaminnut aningaasaateqassanngikkaluarput, oqarpoq.
- Tassunga suna aaqqiissutissaava?
- Akissaatit qaffasinnerusut.
Akissaqassappata akissarsiaat sisamariaammik qaffattariaqassapput,
akivoq.
- Tamanna piviusorsiornerunngilaq?
- Naamerluinnaq. Peqqinnissaqarfimmili sulisut taama akiliitigisariaqarnissaat quianaannarpoq. Inissiamut nammineq pigisamut qaammammut akiliuteqartassappata tamanna paasisinnaanerussagaluarpara, taamaalillutik
inissiatik ileqqaarfigisinnaassagamikkit.
- Taava Naalakkersuisut peqqinnissaqarfimmilu aqutsisut qanoq iliussappat?
- Inissiamut akiligassap appartinnissaanut iliuuseqartariaqarput.
Inissiat taama akisutigitillugit ilaasortakka inissianut taakkununnga
qanillinavianngivipput. Naamerluinnaq, Jess G. Berthelsen akivoq.
Amerlanerusunut inissiat?
Namminersorlutik Oqartussat
inissiaatileqatigiiffiat Illuut A/S-ip
Qatserisuni inissiaqarfinnik pingasunik pisisussanngortoq siorna
aalajangerneqarmat, tamanna
»tuaviuussassatut suliarineqarpoq«. Tuaviuussinerup nalaani
Inatsisartut Aningaasaqarnermut
Akileraartarnermullu Ataatsimiititaliaata apeqqutit arlallit akineqarnissaat piumasaraa.
Naalakkersuisut akissutaat, ilaatigut peqqinnissaqarfimmi SIK-mi
ilaasortanut tunngassuteqartut, allagaatinik takunnissinnaatitaanikkut AG-p takuai. Nakorsat peqqissaasullu kisimik sulisunut atorfimmut atatillugu inissiaateqartinneqassanersut, imaluunniit aamma portørit eqqiaasartullu inissiartaarsinnaanersut ataatsimiititaliap
paaserusuppaa.
Suliamut tamatumunnga tunngasunut atorfilinnut apeqqummut tamatumunnga akissut immaqa nutaarsiassatsialaavoq.
- Atorfilinnut peqqissaanermik
toqqaannartumik suliaqanngitsunut, tassungaluunniit attuumassuteqanngitsunut, atorfimmut atatillugu inissamik neqerooruteqarnissap qulakkeerneqarnissaanut pisariaqartitsineq isumaliutigineqartoq, Peqqinnissaqarfiup inissianik tamakkiisumik amigaateqarneranik Peqqissutsimut Pitsaaliuinermullu Aqutsisoqarfik massakkut naatsorsuivoq, Naalakkersuisut akipput.
Taamaattoqassappat inissiat
Qatserisunit akikinnerusariaqarput.
»Peqqinnissaqarfiup inissianik
atorsinnaasaannik annertusaanissamik pilersaarummik ilallugu
saqqummiunneqassasoq« AG-p allagaatinik takunnissinnaatitaanermik takusaani erserpoq