Annikitsumik aatsitassarsiortunut inatsisissatut
siunnersuut pingaarutilinni allannguuteqartoq
Marlunngornermi Inatsisartut annikitsumik
aatsitassarsiornermut inatsisissatut siunnersuut
siullermeerutaasumik oqaluuseraat, ukiarmilu
tusarniaassutigineqartumut atatillugu oqartussaasut
aatsitassarsioqatigiiffi it saqqummiussaat arlalitsigut
akueraat. Assersuutigalugu inatsit ingerlatseqatigiiffi nnut
Kalaallit Nunaanni ujaasinissamik akuersissuteqareersunut
atuutissanngilaq
Bluejay Mining, ilaatigut Qeqertarsuup
Nuussuullu eqqaani ujaasinissamik
akuersissuteqartoq annikitsumik
aatsitassarsiornissamik inatsisissamik
isornartorsiuivoq, matumani nunaqavissut
aatsitassanik ujaasiffi usuni aatsitassanik
katersisinnaallutillu piiaasinnaammata.
Inatsit akuersissutigineqassaguni
taamaallaat siunissami ujaasinissamut
akuersissuteqarfi usunut atuutissaaq,
maannakkut ujaasinissamik
akuersissuteqareersunut pinnani.
Bluejay Mining
Nunanit
allanit aatsitassarsiornermik ingerlatseqatigiiffissuit ernumasimaqaat
novembarimi 2023-mi aatsitassanut Naalakkersuisoqarfiup annikitsumik
aatsitassarsiornermut inatsisissatut siunnersuut nutaaq tusarniaassutigimmagu.
Annikitsumik
aatsitassarsiornermut inatsisissap siunertaraa nunatsinni suliaqartunut atukkat
pitsanngorsarnissaat, taakkulu aatsitassarsioqatigiiffinnit allaanerusumik
inatsisissatut siunnersuut unnersiutigaat. Taamanerniilli Naalakkersuisoqarfiup
aatsitassanullu aqutsisoqarfiup aatsitassarsiortut tusaaniarsimavaat
aatsitassarsioqatigiiffiillu piumasaat arlalitsigut tusaaniarsimallugit.
Pinngitsaaliissummik
piginnittuujunnaarsitsisoqarsinnaasoq
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat ilaanni allaaserisaavoq.
Allaaserisat pisartagaqartunit siunissami taamaallaat atuarneqarsinnaajumaassapput.
Atuarluarna.
Ingerlatseqatigiiffiit
ilaatigut Bluejay Mining, Anglo American, Amaroq Minerals, Energy Transition
Minerals, Greenfield Exploration, Tanbreez, Hudson Resources kiisalu Ressource
500 annertuumik isornartorsiugaasa ilagaat aningaasaliisartunut sunniuteqarnerlussasoq
nunaqavissut piiaanissamik akuersissuteqarfigisami immikkut ittumik
piiaanissaminnut periarfissaqarnerat taamaalillutillu aatsitassat
ingerlatseqatigiiffiit ujaarisaasa ilaat piiarlugit. Ingerlatseqatigiiffiit
ilaasa oqaatigaat tamanna pinngitsaaliissummik
piginnituujunnaarsitsinerusinnaasoq.
Isornartorsiuineq
taamaattoq oqartussaasut iliuuseqarfigaat siunnersuummut allallugu, inatsit
nutaaq ujaasinissaminnik akuersissuteqareersunut atuutissanngitsoq.
Tamatuma
saniatigut nunaqavissut kisimik aatsitassanik ujaasinissamik
akuersissuteqarfioreersut saniatigut tunisassanik piiaasinnaapput. Siunissami
matumani qulakkeerneqassaaq ingerlatseqatigiiffiit ujaasinissamik
akuersissuteqartut aatsitassanut akuersissummiittunut kisermaassillutik
pisinnaatitaaffeqartut.
Aatsitassanut inatsit nutaaq
Naalakkersuisut
2023-mi Inatsisartut upernaakkut ataatsimiinneranni aatsitassarsiornermut
suliassaqarfik tamaat nutarterlugulu piorsarniarpaat, tamannalu inatsisip
pingasunut avinneranut peqqutaavoq. Siullermik aatsitassanut inatsit
nalinginnaasumik aatsitassarsiornermut tunngasoq atuutiinnaassaaq. Aappaattut
annikitsumik aatsitassarsiornermut inatsit annikitsumik aatsitassarsiornissamik
akuersissutinut piiaanermullu tunngasoq sumiiffinni sanaartornermut
attaveqaasersuillunilu suliniutinut atugassanik piiaaneq, kiisalu pingajuattut
maannakkut aatsitassanut inatsit, taamaallaat kulbrintenut, gassimut nunallu
iluata atornissaanut toqqorsinissamut atuuttoq.
Tassalu
annikitsumik aatsitassarsiornermut tunngatillugu inatsit marlunngornermi
apriilip 9-ani 2024-mi Inatsisartuni siullermeertumik oqaluuserineqartussaq.
Inatsit ilaatigut inuninnaat akuersissuteqaqqaaratik aatsitassanik
katersillutillu piiaasinnaanerannut, annikitsumik aatsitassarsiorfinnut kiisalu
ujaraaqqanik, ujaqqanik assigisaannillu Nunatsinni sanaartornermut atugassanut
tunngavoq.
Killeqartumik suliaqarsinnaaneq
Inatsisissatut
siunnersuummi tusarniaassutigineqartumi allannguut alla tassaavoq
ujaasinissamik akuersissutit tunngaviatigut taamaallaat saffiugassaassasut
suliffissuarnit atorneqartussat, tassalu saffiugassat suulluunniit
ulorianartunik qinngorneqanngitsut, kulbrintiunngitsut,
pinnersaasiassaanngitsut imaluunniit katersisartunit katersorneqartartut
aalajangersimasut.
Nunaqavissut
suliaqarsinnaaneranni killilersuut alla ujaasinissamik akuersissuteqarfimmut
tunngavoq. Akuersissuteqaqqaarani sulluliortoqarsinnaanngilaq
qaarusuliortoqarsinnaananilu nunami 1 meteri sinnerlugu ititigisumik. Tamatuma
saniatigut inatsisissatut siunnersuummi allassimareerpoq, nunaqavissut
taamaallaat tigumiarneqarsinnaasumik atortoqassasut
akuersissuteqarfigisariaqanngitsumik kiisalu qaartiterisinnaanatik. Tamatuma
saniatigut inatsisissatut siunnersuummi erseqqissarneqarpoq, nunaqavissut allatuulli
isumannaallisaanissamut peqqissutsimullu piumasaqaatit malissagaat,
tamatumunngalu ilanngullugu avatangiisit illersorneqarnissaannut maleruagassat
nalinginnaasut malittariaqarlugit. Kiisalu akuersissuteqaqqaaratik suliaqartut
tamarmik taarsiissuteqarsinnaassapput sillimmasiisariaqarlutillu maleruagassat
nalinginnaasut naapertorlugit.
Isumannaatsuunissaq ernummatigigaat
Naalakkersuisut
aamma nunanit allaniit ingerlatseqatigiiffiit isornartorsiuinerisa ilaat
tusaaniarsimanngilaat. Assersuutigalugu ingerlatseqatigiiffiit arlaqartut
kissaatigaat nunaqavissut ujaasinissamik akuersissuteqartut sumiiffimmut
ingerlalersinnatik isumannaatsuunissaq siunertaralugu ilisimatissagaat.
Matumanili Naalakkersuisut tikkuarpaat sumiiffimmut ujaasinissamik
akuersissuteqarfiusumut ingerlanissaq inerteqqutaanngitsoq sumiiffimmi
susoqaraluarpalluunniit:
”Aatsitassanik
ujaasineq pisinnaatitaaffeqartumuinnaq tunngasoq pineqarpoq. Assersuutigalugu
inatsimmi maannakkut atuuttumi ujaasinissamik akuersissuteqarfimmi
aatsitassanik nunap qaaniittuinnarnik taamaallaat katersisoqarsinnaasoq, soorlu
aamma ujaasinissamik akuersissuteqarfimmi aallaaniartoqarsinnaallunilu
pisuttuartoqarsinnaasoq. Ujaasinissamik akuersissuteqaraanni imaanngilaq
pisinnaatitaaffeqartut immikkut pisinnaatitaasut sumiiffimmi angalanissamut
suliaqarnissamullu killilersuinissamik. Inuk siunnersuut malillugu arlaanik
suliaqartoq inunnit allanit sumiiffimmiittunit ulorianartorsiornerussanngilaq.”
Tusaamaneqarneq pilerinassuserlu
Naalakkersuisut
aamma ingerlatseqatigiiffiit inatsisissatut siunnersuutip malitsigisaanik
ilaatigut aningaasaliisartunit siunissami tusaamaneqarnissartik
pilerinassusertillu ernummatigisaat tusaaniarsimanngilaat.
”Naalakkersuisut
sumiiffinni ujaasinissamik akuersissuteqarfiusut nunaqavissunit
tikinneqarsinnaanerannik siunnersuuteqarnerat pingaarnersiuineruvoq, kingornalu
aatsitassarsioqatigiiffiit nunaqavissullu aatsitassanik atuinissaminnik
kissaateqartut isiginiarneqarlutik.”
Aamma
tikkuarneqarpoq siunnersuummi siunertaasut pingaaruteqartut ilagigaat inuinnaat
aatsitassanik katersillutillu piiaasinnaanerannut atatillugu
killilersuinnginnerullunilu pisariillisaanissaq, taamaalilluni ilaatigut
sumiiffimmik nakkutilliineq annikinnerulluni.
”Taamaattumi
nunaqavissut akuerineqaqqaaratik aatsitassanik katersillutillu piiaanissaannut
atatillugu akuersissuteqarnissamik piumasaqartoqaranilu
nalunaartoqassanngilaq.”