INATSISARTUT
Nunarsuarmi sorsuttoqalissappat qanoq iliussaagut?
Apeqqarissaarnermi namminiilivinnissamut nunanunullu allanut tunngasunut Naalakkersuisoq Vivian Motzfeldt Inatsisartuni ilaasortanit apeqquteqarfigineqarluarpoq. Inatsisartuni ilaasortat arlallit apeqquteqarput, sorsunnersuaqalissagaluarpat Kalaallit Nunaat qanoq piareersimatiginersoq. Motzfeldt nunanut allanut tunngasunut sillimaniarnermullu periusissiartaamut innersuussivoq.
Assiliartaavoq ulloq 21. februar 2024-miit, tassani partiit (Naleraq peqatigiiffik) isumaqatigiissuteqarput Kalaallit Nunaata nunanut allanut-, isumannaallisaaneq- aamma illersornissamut politikkimut pilersaarutaanut 2024-2033-mut
Assiliisoq: Leiff Josefsen
Aporaannerit sorsunnerillu piviusuupput. Kingullertigut Iran Israelimut saassussivoq. Syriami Iranip aallartitaqarfianut Israel saassussinermut pasillerlugu, Iranimiimmi isumaqarput Israel saassussinermut akisussaasuusoq.
Kalaallit Nunaat peqataassaaq
Aporaannerit aammalu sillimaniarnikkut nalunartut
pillugit piareersarnernut tunngassutillit sillimaniarnikkut tamarmut sunniuteqartarput, tamakkulu
pissutigalugit sillimmartaarnerit, kiisalu isumannaallisaanikkut illersornissamullu politikikkut aalajangiinerit isummernerillu pisariaqarput — aamma
Nunatsinni Issittumilu, piumagutta piumanngikkut-
taluunniit. Tunngavissarissaarluta oqalliseqataassaagut aalajangiisarlutalu. Tassalu piginnaanngorsartariaqarpugut suleqataalluarniarlutalu.
Paasissutissaq: Nunanut Allanut,
Sillimaniarnermut Illersornissamullu
Politikissaanut Periusissiaq 2024-2033
Tamanna pivoq Ruslandip Ukrainemut sorsunnera suli ingerlasoq (sorsunneq aallartippoq februaarimi 2022) aamma Israelip Hamasimut sorsunnera (sorsunneq aallartippoq oktobarimi 2023). Taakkua saniatigut akiuunnerit sorsunnerillu allat aamma ingerlapput, soorlu Sudanimi. Taamaattorli aamma USA-p Kinallu akornanni aaqqiagiinnginneq eqqumaffigisassanut ilaalluinnarneragaavoq.
Sorsunneq maani nunami ulluinnarsiutaanngilaq, kisianni kingunerisassai aningaasat naleerukkiartornerisigut avataaniillu pilersorneqarnitta sanngiinnerulerneratigut misigisarpagut. Taakku eqqaassanngikkaanni pisut ilungersunartut ungasissorsuarmiimmata isummerfigiuminaassinnaasarput.
Qanoq pisoqassava sorsunnersuit pingajuat aallartissagaluarpat?
Pingaartumik Iranip Israelillu akornanni aporaannerup ineriartornera nunarsuarmioqatigiinnit immikkut ernummatigineqarpoq nakkutigineqaqqissaarlunilu. Tamatuma malitsigisaanik nunat tamalaat aamma nunarsuarmi soqutigisaqaqatigiiffissuit aporaannerup piaarnerpaamik annikillisarneqarnissaa pillugu suliniuteqarput.
Kisianni nunarsuarmi sorsunnersuarmik aallartittoqassagaluarpat qanoq pisoqassava? Sorsunnerup taamak annertutigisup kingunissai anigorsinnaassavagut qanorlu taamatut pisoqarsinnaaneranut sillimmartaarsimavugut? Tamanna Inatsisartuni ilaasortat arlallit Vivian Motzfeldtimut (S) apeqquteqaatigaat Inatsisartut Naalakkersuisuni ilaasortamut apeqqarissaarneranni pingasunngornermi apriilip 17-iani.
Vivian Motzfeldt nunanut allanut, sillimaniarnermut illersornissamullu politikissaanut periusissiamut 2024-2033 innersuussivoq, taanna februaarip 21-anni 2024-mi atsioqatigiissutigineqarpoq.
Pisariaqartitsineq qulakkeerneqassaaq
- Qanorluunniit nunarsuatsinni pisoqartillugu nunatsinni inuussutissatigut nakorsaatitigut ikummatissamillu pilersorneqarsinnaaneq nunatta qulakkeersimasariaqarpaa.
- Silarsuarmi nalunartulimmi pajuttuinerup isu-
mannaassusia nunatta sillimmartaarfigissavaa.
Paasissutissaq: Kalaallit Nunaata nunanut allanut-, isumannaallisaaneq- aamma illersornissamut politikkimut pilersaarutaa 2024-2033
Taassuma saniatigut erseqqissaatigaa, nunarput suleqatigiinnikkut iligiinnut peqataanera, toqqaannartumik USA-mik Danmarkimillu illersornissakkut suleqateqarnera, minnerunngitsumillu NATO-mut peqataanikkut suleqatigiinnerup aqqani illersorneqarnissarput naatsorsuutigineqassasoq.
Aamma Vivian Motzfeldt Inatsisartunut erseqqissaavoq, Naalakkersuisut maanna pilersuinerup qulakkeerneqarnissaanut suliniuteqarnerat, pingaartumik nunanut nunatta qanittuinittunut isumalluuteqarsinnaaneq inerisarneqartoq.
Sermitsiap nittartakkatigut nutaarsiassaqartitsivianit sulissutigaarput sorsunnersuaqalissagaluarpat nunatta isumannaatsumik pilersorneqarnissaanut tunngatillugu Naalakkersuisut qanoq sulissuteqarnersut akissutissarsiniarlugu.