Gå til hovedindhold

Asii borgmesteritut tunuarpoq

Asii Chemnitaz Narup Kommuneqarfik Sermersuup borgmesteriatut tunuarpoq. Asiip Demokraatit isornartorsiorpai: Politikkikkut pissaaneqarniunnerup meeqqat, ineriartorneq aamma neriunneq kingullinngortippai.

Asii Chemnitz Narup (IA) ullumi kommunalbestyrelsimi ataatsimiinnermi borgmesteritut tunuarpoq. Tusagassiuutinut taama nalunaarpoq.

- Kommuneqarfik Sermersuumi politikkikkut suleqatigiinnerput Demokratit taamaatippaat, uannik inuttut tatiginnikkunnaarnertik peqqusiullugu. Tamaasiornerat soorunami ajunngilaq. Ukuli uanga oqaatigiinnassavakka:

- Sisamanngornermi ullaakkut suleqatigiinnerput Demokraatit atorunnaarsinniarlugu nalunaarutigimmassuk ingerlaannavillunga neqeroorutigaara uanga borgmesteritut ingerlaannarlunga tunuarsinnaallunga. Suleqatigiinnitsinnut, taamatumuunakkullu politikkikkut suliatsinnut pingaarutilimmut, uanga inuttut akornutaarusunnginnama, kissaatigigakkulu suleqatigiinnitta ingerlatiinnarneqarnissaa, tusagassiuutinut nalunaarummi tamanna oqaatigineqarpoq.

- Ataatsimeeqatigiinnitsinni paasivara Demokratit kissaatiginngikkaat uanga borgmesteritut tunuarnissara. Aaqqiissutaasinnaagaluartoq uanga tunuarlunga, IA-lli Demokraatillu suleqatigiinnerat ingerlaannassasoq, allamik borgmestereqarlerluni, Demokraatit kissaatiginngilaat.

- Soorunami tamanna uanga eqqumiigivara. Politikkikkut suliniutitta imai siunertaalu, politikkikkut suleqatigiinnissatsinni isumaqatigiissummiittut, suli pingaaruteqarlunilu politikkikkut isumaqassappata, ajornartorsiullu uanga inuttannut killilerneqarsinnaappat, taava nunarsuarmi maani ajornannginnerpaassangaluarmat uanga tunuarnissannik neqeroorutiga akuerisimasuuppassuk.

- Neqeroorutigigaluakkamali kajuminnarsimannginneranut nassuiaatissaa allarluinnarmiissorinarpoq.

Asii Chemnitz Narupip Demokraatit sakkortuumik uparuarpai, pineqartut pillugit apeqqut politikkikkut pissaaneqarniunnermi atornerlukkaat isumaqarpoq.

- Naalakkersuisut siulittaasuata Kim Kielsenip politikkianik isornartorsiuininnut, Demokraatit Inatsisartut-gruppiata Kielsenimik uppitsitsinaveersaartuunerarlugit uparuaanera, Demokraatit nuannarinngivippaat. Tamannarpiaasorinarporlu Kommuneqarfik Sermersuumi suleqatigiinnissamik isumaqatigiissutitsinnut atorunnaartsitsinerminnut tunngaviginerpaasaat.

- Mamiatsaatigisimasaasa aappaa tassaangunarpoq Tasiilami meeqqat kinguaassiutitigut atornerlunneqarsimasut sumiginnarneqarsimasullu pillugit oqallinnernut annertuseqqittumut qisuariarnera. Aamma ajunngilaq.

- Eqqumiigineranulli soorunami peqqutigaara aalajangiinerni tamani Demokraatit peqataasarsimammata, Kommuneqarfik Sermersuullu suliniuterpassui, aningaasat suliassanut immikkoortinneqartut, kingullertigullu nunatsinni borgmesterinik Naalakkersuisunillu peqateqarluni suliniutissat, ilisimaarilluarmatigit.

Demokraatit kommunimi Inatsisartunilu sulineq akulerukkaat Asii isumaqarpoq, taakkunanimi marlunni kommunalbestyrelsimi ilaasortaqaramik.

- Demokratit Inatsisartuni Siumumik ersarissumik qaninnerusumik suleqateqaleriartornerat aamma Kommuneqarfik Sermersuumi taamatut ilusinikkiartuaarpoq, Siumup Doris Jakobseniata ersarissumik nalunaarutigaa Kommuneqarfik Sermersuumi borgmesterinngorniarnini, kommunalbestyrelsimullu qinerseqqinnissap tungaanut ilaatigut Inatsisartuni ilaasortaanini atorlugu Kommuneqarfik Sermersooq isumaginninnikkut akisussaaffiiarniarlugu. Nunarsuatsinni sumiiffinni allani taama iliorneq pissaanermik sangutitsinertut taaneqassagaluarpoq.

- Inatsisartuni Siumumut tapertaasutut, Kommunalbestyrelsimi Inuit Ataqatigiinnut suleqatigiinnitsinnullu, Demokratinit sakkortuumik suusupaginninneruvoq, Inatsisartuni Kommuneqarfik Sermersuumik saassussinerit Demokraatit tusaanngitsuusaaginnarmatigit. Kommuneqarfik Sermersuup akisussaaffiiarneqarnissaanik Inatsisartuni allat qunusaarinerisa nalaanni, Demokraatit inussatik paarlallugit issiaannarput sunatik. Natsap sorliup atinissaanut paatsiveerulluinnarsimarpasipput.

- Demokraatit Inatsisartuni sulinerannut isornartorsiuinera aalajangiusimavara: Nunap aningaasaqarniarnera aqunneqarsinnaasariaqarpoq, aningaasalersuerusuttut eqqissimatittariaqarput, inuussutissarsiornikkut siunissamut upperinninneq tatiginassuserlu pigineqartuartariaqarput, kommuniniillu sulissutiginiakkat taakkulugu aningaasalersornissaat tatiginassuseqartittariaqarput. Isornartorsiutikka attappakka.

- Kommuninik suleqateqarsinnaaneq Naalakkersuisut aqqutissiuutinngilaat, kommuninili ilinniarluarsimasunik naammattunik sulisoqalersinnaannginneq atornerlullugu innuttaasut erloqissutaat imminerminnut attuutinnaveersaarpaat.

- Isumaqarpunga Kommuneqarfik Sermersuup aamma Nuup – aammaluni nunatta tarmarmi – siunissaata ineriartortinneqarnera pingaaruteqarpallaartoq, pissaanilerngusaannerup taamaattup tamatta siunissatsinnut aalajangiisuutinnissaanut. Demokraatilli aalajangernerisa takutippaat, meeqqat atugarisaat tunulliutillugit, pissaanilerngusaanneq salliutikkitsik.

- Isumaqarpunga  meeqqanik inuusuttunillu sumiginnakkanik amerlaqisunik ikiuiniarnitta ineriartortinneqarnera, Siorarsiorfillu aqqutigalugu inissialiortitsinerit paaqqinnittarfiliornerillu, mittarfissualiornissap  umiarsualiveqarnerullu ineriartortinnissaat, suliniutillu allarpassuit pilersitat, pilersaarutillu, kommunitsinni inuiaqatigiinnilu innuttaasut periarfissaasa kivinniarneqarnerinik nassataqartussat pingaaruteqarpallaartut, tamakkorpassuit unitsiinnarneqarlutilluunniit taamaatiinnarneqarnissaat, politikkikkut pissaanilerngusaanneq – uangaluunniit inuttara – peqqutigalugit.

- Ukiorpassuarni politikkeriuvunga, Kommuneqarfik Sermersooq, uangalu inuttut, akerlilersorlugu Naalakkersuisut suleriusissamittut ilusiligaat, Demokraatinit suleqateqarani ukiuni tulliuttuni ajornartorujussuanngortussaavoq, innuttaasunullu iluaqutaasussamik akaareqatigiilluni suleqatigiinnissaamut uanga minnerpaannguamilluunniit akornutaarusunngilanga.

Festdage i Tasiilaq
Først blev nationaldagen fejret og dernæst fejrede man byens 125 års jubilæum.
Årets skoleinspektør: Overvældende og overraskende
Torbjørn Ydegaard fra Ejnar Mikkelsenip aluarpia i Ittoqqortoormiit er blevet kåret som ”Årets skoleinspektør” i Kommuneqarfik Sermersooq

Læs hele sagen:

  1. Asii trækker sig som borgmester
  2. Asii borgmesteritut tunuarpoq
  3. Usikkerhed om ny borgmester
  4. Hvem af disse skal være borgmester?
  5. Rosing vil sikre IA borgmesterposten
  6. IA-p borgmesteriuteqarnissaa Rosingimit qulakkeerneqarniarpoq
  7. Demokraterne venter på IA-udspil
  8. Tre bejlere til borgmesterposten
  9. Øv, ærgerlig og undren
  10. Se hvem der bliver ny borgmester
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER