Perorsaanermik Ilinniarfik Isumaginninnermi ikiortinngornianut Ilulissani nunap immikkoortuani atuarfimmi ilinniartitsisussamik pissarsiorpoq.

Perorsaanermik Ilinniarfik/Socialpædagogisk Seminarium – aamma taaneqartartoq PI/SPS, Isumaginninnermi ikiortinngornianut Ilulissani nunap immikkoortuani atuarfimmi ilinniartitsisussamik pissarsiorpoq.

Perorsaanermik Ilinniarfik Kalaallit Nunaanni Isumaginninnermi ikiortinngorniarnermut akisussaavoq. Ilinniarneq agguataagaavoq atuagarsornernut pingasunut aamma sungiusarluni sulinernut marlunnut. Atuagarsornerit siulliit marluk Maniitsumi, Nuummi, Qaqortumi aamma Ilulissani nunap immikkoortuini atuarfinni ingerlanneqartarput. Atuagarsornerit pingajuat – brancheskolemiinneq, Ilulissani PI/SPS’imi pisarpoq. Sungiusarluni sulinerit nammineq najugarisami ilinniarnermut isumaqatigiissuteqarnikkut pisarput.

Pissarsiorpugut faglærerimik Ilulissani nunap immikkoortuani Isumaginninnermi ikiortinngorniarnermi ilinniartitsisussamik. Nunap immikkoortuani atuarfiup ulluinnarni aqunneqarnera Immikkoortortami pisortamut isumagineqarpoq.

Atorfinitsinneqartussaq perorsaasutut/ilinniartitsisutut imaluunniit allamik assigisaanik ilinniarsimasuussaaq isumaginninnermi ilinniartitsinerup iluani ilinniagassani arlalinni ilinniartitsisuusinnaasoq ukunani:

• perorsaaneq aamma psykologi
• nipilersuutinik atuineq aamma nutaaliorsinnaaneq
• ilinniagassat isumaginninnermut inuiaqatigiilerinermullu tunngasut
• ilinniakkat pillugit siunnersuineq aamma sungiusaammik sulinermi ilitsersuineq

Isumaginninnermi ikiortinngornianut ilinniartitsineq kalaallisut ingerlanneqartarpoq. Atuakkat qallunaatuujukkajummata kalaallisut qallunaatullu oqaaseqarneq iluaqutaassaaq.

Malittarisassat sukkulluunniit atuuttut malillugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat sukkulluunniit atuuttut malillugit ineqarnermut akiliutissat qulanaveeqqusiussallu akilerneqartassapput. Inissiap pisoqassusia, kikkut piginnittuunersut il.il. apeqqutaallutik ineqarnermut akiliutit inissiallu pitsaassusia allanngorarsinnaapput. Sulisunut inissiaq atorfeqartitaajunnaarnermi qimanneqassaaq. Sulisunut inissiap inigiviligassap innersuunneqarnissaata tungaanut utaqqisoqartarsinnaavoq, taamaammat utaqqiisaasumik inissiisoqarsinnaasarluni, taamatuttaaq ataatsimoorluni ineqarfissiani mikinerusuni akunnittarfiillu inissiartaanni.

Akissarsianut - atorfinitsitsinermullu atugassarititaasut, taakkualu ataanni angalanernut pisattallu nassiunneqarnissaannut Naalakkersuisut atorfinittussallu kattuffiata akornanni isumaqatigiissutit atuuttut naapertorlugit ingerlanneqassapput.
Qinnuteqartunut tjenestemanditut atorfeqareersunut atorfinitsitsineq tjenestemanditut pisinnaassaaq.

Annertunerusumik paasisaqarusukkuit saaffigisinnaavat Rektori, Nuka Kleemann, PI/SPS, Ilulissat, oqarasuaat 94 64 30 imal. Immikkoortortami pisortaq Lena M Fly.

Atorfik inuttalerusunneqarpoq 1. august 2012.

Qinnuteqarnissamut piffissaliunneqarpoq tallimanngorneq 11. juli 2012.

Qinnuteqaat mailikkut nassiunneqarsinnaavoq uunga: pi.sps@attat.gl paasiniaaviusinnaasut ilanngussallu ilanngullugit. Qinnuteqartut oqaloqatigineqartussatut qinerneqartut pillugit paasiniaasoqarsinnaassaaq aamma atorfininnermi pillagaasimannginnermut allagartamik piniartoqassaaq.

Qinnuteqaat qaatiguuliorneqassaaq Namminersorlutik Oqartussanut nassiunneqassallunilu uunga: 

Perorsaanermik Ilinniarfik
Postbox 519
3952 Ilulissat.
Fax.: 94 44 75
Mail: pi.sps@attat.gl

Skriv venligst i din ansøgning, at du så jobannoncen hos Sermitsiaq.AG JOB.